Noo Luke 22:19 - Yn Conaant Noa 1810

¹⁹ As ghow eh arran, as hug eh booise, as vrish eh eh, as hug eh eh daue, gra, Shoh my chorp t’er ny choyrt er nyn son eu: shoh jean‐jee ayns cooinaghtyn jeem’s.

Yn Vible Casherick 1775 1819

¹⁹ As ghow eh arran, as hug eh booise, as vrish eh eh, as hug eh eh daue, gra, Shoh my chorp t’er ny choyrt er nyn son eu: shoh jean-jee ayns cooinaghtyn jeem’s.

Noo Luke 22:19 ပူးပေါင်းရင်းမြစ်များ

Noo Mian 14:19

As doardee eh yn pobble dy hoie sheese er y faiyr, as ghow eh ny queig bwilleenyn as y daa eeast, as yeeagh eh seose gys niau, as vannee eh, as vrish eh, as hug eh ny bwilleenyn da ny ostyllyn, as hirveish adsyn ad er y pobble.

Noo Mian 15:36

As ghow eh ny shiaght bwilleenyn, as ny eeastyn, as hug eh booise, as vrish eh, as hug eh ad da e ostyllyn, as hirveish adsyn er y pobble ad.

Noo Luke 22:17

As ghow eh yn cappan, as hug eh booise, as dooyrt eh, Gow‐jee shoh, as rheynn‐jee eh ny mast’ eu hene.

Noo Luke 22:20

As er yn aght cheddin yn cappan lurg shibber, gra, Yn cappan shoh yn conaant noa ayns my uill’s, t’er ny gheayrtey er ny son eu.

Noo Luke 24:30

As haink eh gy‐kione, myr v’eh ny hoie ec bee mâroo, dy ghow eh arran, as vannee eh, as vrish eh, as hirveish eh orroo eh.

Noo Ean 6:23

(Ny‐yeih va baatyn elley er jeet veih Tiberias, er‐gerrey da’n boayl ren ad arran y ee ayn erreish da’n Chiarn v’er chur booise)

Noo Ean 6:51

Mish yn arran bio, haink neose veih niau: my ee‐ys dooinney erbee jeh’n arran shoh, bee eh bio son dy bragh: as yn arran neem’s y choyrt, she my eill eh, ver‐yms son bioys y theihll.

1 Corinthianee 10:16

Yn cappan dy vannaght ta shin dy oltaghey, nagh nee shoh dy ghoaill ayrn jeh fuill Chreest? Yn arran ta shin dy vrishey, nagh nee shoh dy ghoaill ayrn jeh corp Chreest?

1 Corinthianee 10:4

As ren ad ooilley giu yn jough spyrrydoil cheddin: (son ren ad giu jeh’n Chreg spyrrydoil shen deiyr orroo; as y Chreg shen va Creest.)

Galatianee 1:4

Ren eh‐hene y choyrt son nyn beccaghyn, dy livrey shin veih’n drogh heihll t’ayn nish, cordail rish aigney Yee as nyn Ayr:

Galatianee 4:25

Son ta Agar shoh cronk Sinai ayns Arabia, as ta gansoor gys Jerusalem ta nish ayn, as t’ee ayns bondiaght marish e cloan.

Ephesianee 5:2

As immee‐jee ayns graih, myr ta Creest myrgeddin er chur graih dooinyn, as er choyrt eh‐hene er nyn son, chebbal as oural son soar millish da Jee.

1 Thessalonianee 5:18

Ayns dagh stayd cur‐jee booise: son shoh aigney Yee ayns Creest Yeesey mychione eu.

Titus 2:14

Hug eh hene er nyn son, dy voddagh eh shin y eaysley veih dy chooilley vee‐chraueeaght, as casherickey da hene pobble reiht, jeean ayns obbraghyn mie.

1 Peddyr 2:24

Eshyn ren ny peccaghyn ain y ymmyrkey ayns e chorp hene er y villey, dy voddagh shinyn, ta livreit veih peccah, ve bio gys cairys; liorish ny lhottyn echey ta shiuish er nyn lheihys.