Noo Luke 21:12 - Yn Conaant Noa 1810

¹² Agh roish ooilley shoh, gowee ad shiu, as nee ad tranlaase erriu, as livrey‐ee ad shiu seose gys quaiylyn, as gys pryssoonyn, as bee shiu er nyn goyrt fenish reeaghyn as fir‐reill er coontey yn ennym aym’s.

Yn Vible Casherick 1775 1819

¹² Agh roish ooilley shoh, gowee ad shiu, as nee ad tranlaase erriu, as livreyee ad shiu seose gys quaiylyn, as gys pryssoonyn, as bee shiu er nyn goyrt fenish reeaghyn as fir-reill er coontey yn ennym aym’s.

Noo Luke 21:12 ပူးပေါင်းရင်းမြစ်များ

Noo Mian 22:6

As ghow yn chooid elley ny sharvaantyn echey, as ghell ad dy elgyssagh roo, as varr ad ad.

Noo Mian 24:8

Bee ooilley shoh toshiaght seaghyn diu.

Noo Luke 21:11

As bee craaghyn‐thallooin mooar ayns ymmodee ynnydyn, as gennaghyn, as crampyn, as shillaghyn agglagh, as bee cowraghyn mooarey veih niau.

Noo Ean 15:20

Cooinee‐jee er y raa loayr mish riu, Cha vel y charvaant ny syrjey na e hiarn. My t’ad er n’yannoo tranlaase orrym’s, nee ad myrgeddin tranlaase erriuish: my t’ad er vreayll my ghoan’s, freillee ad ny goan euish myrgeddin.

Noo Ean 15:21

Agh dy chooilley nhee jeu shoh nee ad riu kyndagh rish yn ennym aym’s, er‐y‐fa nagh vel enney oc ersyn t’er my choyrt.

Jannoo 22:30

Laa ny vairagh er‐yn‐oyr dy baillish slane shickyrys y gheddyn jeh plaiynt ny Hewnyn n’oï deayshil eh eh veih e gheulaghyn, as doardee eh ny ard‐saggyrtyn as ooilley yn choonceil oc dy heet kionfenish, as hug eh lesh Paul sheese, as hoie eh eh kiongoyrt roo.

Jannoo 5:40

As da’n choyrle echeysyn hug ad geill: as tra v’ad er n’eamagh er ny ostyllyn as er smaghtaghey ad, hug ad currym orroo gyn ad dy loayrt ayns ennym Yeesey, as lhig ad y raad daue.

Jannoo 8:3

Agh ren Saul cragh jeh’n agglish, goll stiagh ayns thieyn, as sleodey magh deiney as mraane, as dyn dilgey ad ayns pryssoon.

Jannoo 9:4

As huitt eh gys y thalloo, as cheayll eh coraa gra rish, Saul, Saul, cre’n‐fa t’ou jannoo tranlaase orrym?

1 Peddyr 2:13

Jean‐jee shiu hene y injillaghey gys dy chooilley leigh er ny oardaghey liorish deiney er graih yn Chiarn; edyr eh ve gys y ree, myr yn ard‐fer‐reill;

Ashlish 2:10

Ny gow aggle roish veg jeh ny reddyn shen nee oo surranse: cur‐my‐ner, nee yn drogh‐spyrryd paart eu y hilgey ayns pryssoon, dy vod shiu v’er nyn browal; as bee shiu fo tranlaase jeih laa: bee uss firrinagh gys y vaase, as ver‐yms dhyt attey dy vea.