Noo Luke 20:47 - Yn Conaant Noa 1810

⁴⁷ T’ad cur‐mow thieyn mraane‐treoghe, as son scaa dy chraueeaght lhiggey orroo dy ve mennick ayns padjer: ta briwnys strimmey nyn gour oc shoh.

Yn Vible Casherick 1775 1819

⁴⁷ T’ad cur mow thieyn mraane-treoghe, as son scaa dy chraueeaght lhiggey orroo dy ve mennick ayns padjer: ta briwnys s’trimmey nyn gour oc shoh.

Noo Luke 20:47 ပူးပေါင်းရင်းမြစ်များ

Noo Mian 23:13

Agh smerg diuish scrudeyryn as Phariseeyn, chrauee‐oalsey; son ta shiu dooney seose reeriaght niau noi deiney: cha vel shiu goll stiagh shiu hene, as ta shiu dyn lhiettal adsyn ta aggindagh er goll stiagh.

Noo Mian 23:14

Smerg diu scrudeyryn as Phariseeyn, chrauee oalsey; son ta shiu cleiy fo thieyn mraane‐treoghe, as son scaa dy chraueeaght lhiggey erriu dy ve kinjagh ayns padjer: shen‐y‐fa ta kerraghey strimmey nyn gour.

Noo Mark 12:40

T’ad cur mow thieyn mraane‐treoghe, as son scaa dy chraueeaght lhiggey orroo dy ve mennick ec padjer: ta briwnys strimmey ny chour oc shoh.

Noo Luke 12:1

Nish mysh y traa shen va ymmodee erskyn‐earroo dy leih er nyn jaglym cooidjagh, ayns wheesh as dy row ad stampey yn derrey yeh er yn jeh elley, ghow eh toshiaght dy ghra rish e ostyllyn, Erskyn ooilley bee‐jee twoaiagh jeh soorid ny Phariseeyn, ta shen dy ghra, craueeaght‐oalsey.

Noo Luke 20:46

Bee‐jee er nyn dwoaie jeh ny scrudeyryn, ta geearree shooyll ayns coamraghyn liauyrey, as shynney lhieu sleih dy vannaghey daue ayns ny margaghyn, as ny stuill syrjey y ve oc ayns ny kialteenyn, as ny ard ynnydyn‐soie ec cuirraghyn:

Noo Luke 21:1

As yeeagh eh seose, as honnick eh ny berchee tilgey ny giootyn oc ayns kishtey yn stoyr.

1 Thessalonianee 2:5

Son chamoo ren shin ec traa erbee ymmyd jeh goan brynnagh, myr ta fys eu hene er, ny coodagh erbee dy haynt: Jee ta feanish.

Titus 1:16

T’ad goaill orroo dy vel tushtey oc dy Yee; agh ayns nyn obbraghyn t’ad gobbal eh, feohdoil as mee‐viallagh, as noi dy chooilley obbyr vie er nyn greoghey.

Jamys 3:1

My vraaraghyn, ny shir‐jee dy ve ymmodee fir‐ynsee, toiggal [liorish shoh] dy bee mayd ny s’geyre er nyn mriwnys.