Noo Luke 20:36 - Yn Conaant Noa 1810

³⁶ Chamoo oddys ad baase y gheddyn arragh; son t’ad corrym rish ny ainleyn, as nyn gloan dy Yee, liorish dy vel ad cloan yn irree‐seose‐reesht.

Yn Vible Casherick 1775 1819

³⁶ Chamoo oddys ad baase y gheddyn arragh; son t’ad corrym rish ny ainleyn, as nyn gloan dy Yee, liorish dy vel ad cloan yn irree-seose-reesht.

Noo Luke 20:36 ပူးပေါင်းရင်းမြစ်များ

Noo Mian 22:30

Son ec yn irree‐reesht, cha vel ad poosey, ny er nyn goyrt ayns poosey; agh t’ad myr ainleyn Yee t’ayns niau.

Noo Mark 12:25

Son ec yn irree‐seose‐reesht veih ny merriu, cha vel ad poosey, ny er nyn goyrt ayns poosey: agh t’ad myr ny ainleyn t’ayns niau.

Romanee 8:16

Ta’n Spyrryd hene gymmyrkey feanish lesh y spyrryd ain, dy vel shin nyn gloan dy Yee.

1 Corinthianee 15:26

Yn noid s’jerree hed er stroie, yn baase eh.

1 Corinthianee 15:42

Er yn aght shoh myrgeddin ta’n irree‐seose‐reesht veih ny merriu. Te er ny chuirr ayns broïd; te troggit seose ayns glennid:

1 Corinthianee 15:49

As ’naght myr ta shin er n’ymmyrkey co‐chaslys yn dooinney thallooinagh, nee mayd myrgeddin gymmyrkey co‐chaslys yn dooinney flaunyssagh.

Philippianee 3:21

Nee caghlaa yn corp marvaanagh ain dy vod eh ve er ny chummey casley rish e chorp gloyroil hene, cordail rish y phooar niartal liorish t’eh abyl dy jarroo dy injillaghey dy chooilley nhee huggey hene.

Ashlish 20:6

Maynrey as casherick t’eshyn ta ayrn echey ayns y chied irree‐seose‐reesht: orroo shoh cha vel pooar ec y nah vaase, agh bee ad saggyrtyn Yee, as Chreest, as nee ad reill marish son thousane bleïn.

Ashlish 21:4

As glennee Jee ersooyl dy chooilley yeïr veih ny sooillyn oc, as cha bee baase ayn maghey shen, chamoo trimshey, ny dobberan, chamoo vees veg y phian arragh: son ta ny reddyn va roïe er n’gholl shaghey.

Ashlish 22:9

Eisht dooyrt eh rhym, Jeeagh nagh jean oo: son ta mish dty heshey‐harvaant, as jeh dty vraaraghyn ny phadeyryn, as jeusyn ta freayll raaghyn y lioar shoh: cur ooashley da Jee.