Noo Luke 20:35 - Yn Conaant Noa 1810

³⁵ Agh adsyn vees coontit feeu jeh’n theihll shen, as jeh yn irree‐reesht veih ny merriu, cha vel ad poosey, ny er nyn goyrt ayns poosey.

Yn Vible Casherick 1775 1819

³⁵ Agh adsyn vees coontit feeu jeh’n theihll shen, as jeh yn irree-reesht veih ny merriu, cha vel ad poosey, ny er nyn goyrt ayns poosey.

Noo Luke 20:35 ပူးပေါင်းရင်းမြစ်များ

Noo Mian 12:32

As quoi‐erbee loayrys fockle noi Mac y dooinney, bee eh er ny leih da: agh quoi‐erbee loayrys noi yn Spyrryd Noo, cha bee eh er ny leih da, edyr ’sy theihll shoh, ny ’sy theihll ta ry‐heet.

Noo Mian 22:29

Dreggyr Yeesey as dooyrt eh roo, Ta shiu fo marranys, as cha vel toiggal eu jeh goo ny jeh pooar Yee.

Noo Mark 10:42

Agh deïe Yeesey orroo huggey, as dooyrt eh roo, Ta fys er dy vel fir‐reill ny Hashoonee gymmyrkey chiarnys orroo, as ta ny ard‐gheiney oc reill dy mooaralagh harrystoo.

Noo Mark 12:24

As dreggyr Yeesey as dooyrt eh roo, Nagh vel shiu er‐y‐fa shen fo marrynys, er‐yn‐oyr nagh vel toiggal eu jeh goo ny jeh pooar Yee?

Noo Luke 16:8

As voyll y chiarn y stiurt neu‐chairagh, er‐y‐fa dy row eh er n’yannoo dy creeney: son ta cloan y theihll shoh ayns nyn sheeloghe ny s’creeney na cloan y toilshey.

Noo Luke 21:36

Bee‐jee er nyn dwoaie er‐y‐fa shen, as bee‐jee kinjagh ayns padjer, dy vod shiu ve coontit feeu dy scapail ooilley ny reddyn shoh hig gy‐kione, as dy hassoo kiongoyrt rish Mac y dooinney.

Noo Ean 5:29

As hig ad magh; adsyn t’er n’yannoo dy mie, gys irree‐seose‐reesht y vea; as adsyn t’er n’yannoo dy olk, gys irree‐seose‐reesht y choayl‐anmey.

Jannoo 24:15

As ta treishteil aym gys Jee, shen t’ad hene myrgeddin dy lowal, dy bee ayn irree‐seose‐reesht jeh ny merriu, chammah jeh cairagh as neu‐chairagh.

Jannoo 5:41

As hie ad magh veih fenish y choonceil, goaill boggey dy row ad coontit feeu dy hurranse nearey son yn ennym echey.

2 Thessalonianee 1:5

Ta cowrey cronnal jeh briwnys cairagh Yee, dy vod shiu ve coontit feeu jeh reeriaght Yee, er y hon ta shiu myrgeddin surranse:

Hebrewnee 11:35

Hooar mraane nyn merriu troggit gys bioys reesht: as feallagh elley v’er nyn dorchaghey, gyn jannoo soiagh jeh livrey‐ys; dy voddagh ad irree‐seose‐reesht share y chosney.

Ashlish 3:4

Ta regyryn dy enmyn ayd ayns Sardis hene, nagh vel er sollaghey nyn gharmadyn; as nee ad shooyl mârym’s ayns coamraghyn gial: son t’ad feeu.