Noo Luke 2:7 - Yn Conaant Noa 1810

⁷ As hug ee son y theihll yn ynrycan vac rug jee, as hoïll ee eh ayns aanrityn soillee, as hug ee eh ny lhie ayns manjoor, er‐y‐fa nagh row room er nyn son ayns y thie‐oast.

Yn Vible Casherick 1775 1819

⁷ As hug ee son y theihll yn chied mac rug jee, as hoïll ee eh ayns aanrityn soïllee, as hug ee eh ny lhie ayns manjoor, er-y-fa nagh row room er nyn son ayns y thie-oast.

Noo Luke 2:7 ပူးပေါင်းရင်းမြစ်များ

Noo Mian 1:25

As cha row veg echey dy yannoo r’ee, derrey hug ee e ynrycan vac son y theihll, as denmys eh yn ennym echey Yeesey.

Noo Mian 13:55

Nagh nee shoh mac y teyr? Nagh vel e voir enmyssit Moirrey, as e vraaraghyn Jamys as Joses, as Simon, as Judas?

Noo Mian 8:20

As dooyrt Yeesey rish, Ta tuill ec ny shynnee, as idd ec eeanlee yn aer, agh cha vel ec mac y dooinney wheesh boayl aaght son e chione.

Noo Luke 10:34

As hie eh huggey, as chiangle eh seose ny lhottyn echey, niee ad lesh ooil as feeyn, as hoie eh eh er e vaagh hene, as hug eh lesh eh gys thie‐oast, as ghow eh kiarail jeh.

Noo Luke 2:6

As shen myr ve, choud as va’d ayns shen, dy row yn traa er jeet jeeish dy ve livreït.

Noo Luke 2:8

Nish v’ayns y cheer cheddin bochillyn mooie er y vagher freayll arrey er nyn shioltaneyn ’syn oie.

Noo Ean 1:14

As ghow yn Goo er dooghys ny foalley, as ren eh beaghey nyn mast’ ain (as hug shin my‐ner yn ghloyr echey, yn ghloyr myr jeh’n ynrycan Mac er‐ny‐gheddyn jeh’n Ayr) lane dy ghrayse as dy irrinys.

2 Corinthianee 8:9

Son shione diu grayse nyn Jiarn Yeesey Chreest, ga dy row eh berchagh, ny‐yeih er y ghraih euish ghow eh er dy ve boght, trooid y voghtynid echeysyn dy voddagh shiuish ve jeant berchagh.

Galatianee 4:4

Agh tra va’n traa cooie er jeet mygeayrt, ren Jee e Vac y choyrt, ruggit jeh ben, jeant fo’n leigh,