Noo Luke 2:27 - Yn Conaant Noa 1810

²⁷ As haink eh liorish y Spyrryd stiagh ayns y chiamble: as tra va’n ayr as y voir er chur lhieu yn lhiannoo Yeesey stiagh, dy yannoo er e hon, lurg cliaghtey yn leigh;

Yn Vible Casherick 1775 1819

²⁷ As haink eh liorish y Spyrryd stiagh ayns y chiamble: as tra va’n ayr as y voir er chur lhieu yn lhiannoo Yeesey stiagh, dy yannoo er e hon, lurg cliaghtey yn leigh;

Noo Luke 2:27 ပူးပေါင်းရင်းမြစ်များ

Noo Mian 4:1

Eisht va Yeesey er ny leeideil liorish Spyrryd Yee gys yn aasagh, dy v’er ny violaghey liorish y drogh‐spyrryd.

Noo Luke 2:22

As tra va laghyn nyn ghlenney, cordail rish leigh Voses, er jeet, hug ad lhieu eh gys Jerusalem, dy hebbal eh gys y Chiarn,

Noo Luke 2:28

Eisht ghow eh seose eh ayns e roihaghyn, as hug eh moylley da Jee, as dooyrt eh,

Noo Luke 2:41

Nish va e ayr as e voir goll seose gys Jerusalem dy chooilley vlein ec feailley ny caisht.

Noo Luke 2:48

As tra honnick ad eh, v’ad fo mooarane atchim; as dooyrt e voir rish, Vac, cre’n‐fa t’ou er n’yannoo myr shoh rooin? cur‐my‐ner, ta dty ayr as mish er ve briaght dy trimshagh er dty hon.

Noo Luke 2:51

As hie eh sheese mâroo, as haink eh gys Nazareth, as v’eh biallagh daue: as hasht e voir ooilley ny raaghyn shoh ayns e cree.

Noo Luke 4:1

As va Yeesey lane jeh’n Spyrryd Noo, as hyndaa eh veih Jordan, as v’eh er ny leeideil liorish y spyrryd gys yn aasagh,

Jannoo 10:19

Choud as va Peddyr smooinaghtyn er yn ashlish, dooyrt y Spyrryd rish, Cur‐my‐ner, ta three deiney briaght er dty hon.

Jannoo 11:12

As doardee yn Spyrryd dou goll mâroo, fegooish mee‐ourys erbee. As haink ny shey braaraghyn shoh ry heshaght mârym, as hie shin stiagh ayns thie yn dooinney:

Jannoo 16:7

As erreish daue v’er jeet gys Mysia, chiare ad dy gholl er nyn doshiaght gys Bithynia: agh cha lhig y Spyrryd daue.

Jannoo 8:29

Eisht dooyrt y Spyrryd rish Philip, Immee er‐gerrey as jean sheshaght rish yn ainagh shoh.

Galatianee 4:4

Agh tra va’n traa cooie er jeet mygeayrt, ren Jee e Vac y choyrt, ruggit jeh ben, jeant fo’n leigh,

Ashlish 1:10

Va mee ayns y Spyrryd er laa yn Chiarn, as cheayll mee my chooyl coraa ard, myr jeh cayrn.

Ashlish 17:3

Er shen hug eh lesh mee liorish y spyrryd gys yn aasagh: as honnick mee ben ny soie er baagh scarleod, lane dy enmyn mollaghtagh, lesh shiaght king, as jeih eairkyn.