Noo Luke 19:38 - Yn Conaant Noa 1810

³⁸ Gra, Bannit dy row yn Ree ta cheet ayns ennym y Chiarn: shee ayns niau, as gloyr ayns yn yrjid.

Yn Vible Casherick 1775 1819

³⁸ Gra, Bannit dy row yn Ree ta cheet ayns ennym y Chiarn: shee ayns niau, as gloyr ayns yn yrjid.

Noo Luke 19:38 ပူးပေါင်းရင်းမြစ်များ

Noo Mian 2:2

Gra, Cre vel ree ny Hewnyn t’er jeet er y theihll? son honnick shin y rollage echey ayns y shiar, as ta shin er jeet dy chur ooashley da.

Noo Mian 21:9

As deïe yn pobble hie roish, as adsyn haink ny yeï gra, Hosanna gys mac Ghavid: bannit t’eshyn ta cheet ayns ennym y Chiarn, Hosanna ayns yn yrjid.

Noo Mian 25:34

Eisht jir y ree roosyn er e laue‐yesh, Tar‐jee chloan vannit my Ayrey, gow‐jee eiraght ’sy reeriaght ta kiarit diu er‐dy hoshiaght y theihll.

Noo Mian 25:40

As freggyree yn Ree, as jir eh roo, Dy firrinagh ta mee gra riu, Ayns wheesh as dy vel shiu er n’yannoo eh son y fer sloo jeu shoh my vraaraghyn, ta shiu er n’yannoo eh er my hon’s.

Noo Luke 13:35

Cur‐my‐ner, ta’n thie eu faagit diu follym‐faase: as dy firrinagh ta mee gra riu, nagh vaik shiu mish maghey shoh, derrey hig yn traa dy jir shiu, Bannit ta eshyn ta cheet ayns ennym y Chiarn.

Romanee 5:1

Shen‐y‐fa er nyn seyrey liorish credjue, ta shee ain rish Jee, trooid nyn Jiarn Yeesey Creest,

Ephesianee 1:12

Dy beagh shinyn, ren hoshiaght treishteil ayns Creest, gys moylley e ghloyr.

Ephesianee 1:6

Gys moylley gloyr e ghrayse, liorish t’eh er n’yannoo soiagh j’in ayns e er‐graihagh:

Ephesianee 3:10

Dy voddagh nish v’er ny hoilshaghey da ny ard‐reillyn as pooaraghyn ayns ynnydyn flaunyssagh liorish yn agglish ymmodee filley creenaght Yee,

Ephesianee 3:21

Huggey dy row gloyr ayns yn agglish liorish Creest Yeesey, trooid magh dy chooilley eash, seihll gyn jerrey. Amen.

Colossianee 1:20

As (myr v’eh er n’yannoo shee trooid fuill e chrosh) liorishyn dy choardail dy chooilley nhee rish hene, liorishyn ta mee gra, edyr ad ve nheeghyn er y thalloo, ny nheeghyn ayns niau.

1 Timothy 1:17

Nish gys y Ree dy bragh beayn, va er‐dy‐rieau, nagh vod ve er ny akin, gys yn ynrican Jee creeney, dy row ooashley as gloyr, son dy bragh as dy bragh. Amen.

1 Peddyr 1:12

Dauesyn ve er ny hoilshaghey, nagh nee daue hene, agh dooinyn, ren ad shirveish ny reddyn ta nish er ny ockley magh lioroosyn ta er phreacheil y sushtal diuish, marish yn Spyrryd Noo er ny choyrt neose veih niau, ny reddyn cheddin ta ny ainleyn geearree baght y gheddyn jeu.