Noo Luke 19:17 - Yn Conaant Noa 1810

¹⁷ As dooyrt eh rish, S’mie shen, harvaant vie: er‐yn‐oyr dy vel oo er ve firrinagh ayns red feer fardalagh, gow uss yn reill er jeih ard‐valjyn.

Yn Vible Casherick 1775 1819

¹⁷ As dooyrt eh rish, S’mie shen, harvaant vie: er-yn-oyr dy vel oo er ve firrinagh ayns red feer fardalagh, gow uss yn reill er jeih ard-valjyn.

Noo Luke 19:17 ပူးပေါင်းရင်းမြစ်များ

Noo Mian 25:21

Dooyrt e hiarn rish, S’mie t’ou er n’yannoo, harvaant vie as firrinagh; t’ou er ny ve firrinagh ayns y veggan, livrey‐yms mooarane gys dty churrym: immee uss stiagh gys boggey dty hiarn.

Noo Luke 16:10

Eshyn ta ynrick ayns yn nhee s’fardalee, t’eh ynrick myrgeddin ayns mooarane: as eshyn ta neu‐chairagh ayns y nhee s’fardalee, t’eh neu‐chairagh myrgeddin ayns mooarane.

Noo Luke 19:16

Eisht haink y chied er, gra, Hiarn, ta dty phunt er chosney jeih puint.

Noo Luke 19:18

As haink yn nah er, gra, Hiarn, ta dty phunt er chosney queig puint.

Noo Luke 22:30

Dy vod shiu gee as giu ec my voayrd ayns my reeriaght, as soie er stuill‐reeoil, briwnys daa heeloghe yeig Israel.

Romanee 2:29

Agh t’eshyn ny Ew, ta fer er cheu‐sthie: as ta’n giarey‐chymmylt [firrinagh shen] jeh’n chree, ayns y spyrryd, as cha nee ayns y letter, yn moylley echey cha vel veih deiney, agh veih Jee.

1 Corinthianee 4:5

Shen‐y‐fa ny jean‐jee nhee erbee y vriwnys roish y traa, derrey hig y Chiarn, ver chammah lesh gys soilshey folliaghtyn y dorraghys, as nee soilshaghey magh smooinaghtyn ny creeaghyn; as eisht yiow dy chooilley ghooinney moylley veih Jee.

2 Timothy 2:10

Shen‐y‐fa ta mee surranse dy chooilley nhee er graih yn chloan reiht, dy vod adsyn neesht yn saualtys t’ayns Creest Yeesey y gheddyn, marish gloyr dy bragh beayn.

1 Peddyr 1:7

Dy vod prowal nyn gredjue ta foddey s’costal na airh ta ceau ersooyl, ga er ny hrial lesh aile, ve er ny gheddyn gys moylley, as ooashley, as gloyr ec cheet Yeesey Creest:

1 Peddyr 5:4

As tra hig yn Ard‐vochilley kionfenish, yiow shiu attey dy ghloyr nagh jean fioghey ersooyl.