Noo Luke 18:9 - Yn Conaant Noa 1810

⁹ As loayr eh yn oraa‐dorraghey shoh rish shiartanse va treishteil ayndoo hene dy row ad cairagh, agh soiaghey beg jeh feallagh elley:

Yn Vible Casherick 1775 1819

⁹ As loayr eh yn coraa-dorraghey shoh rish shiartanse va treishteil ayndoo hene dy row ad cairagh, agh soiaghey beg jeh feallagh elley:

Noo Luke 18:9 ပူးပေါင်းရင်းမြစ်များ

Noo Luke 10:29

Agh v’eshyn booiagh eh hene y heyrey, as dooyrt eh rish Yeesey, As quoi my naboo?

Noo Luke 15:2

As ren ny Phariseeyn as ny scrudeyryn tallagh, gra, Ta’n dooinney shoh goaill rish peccee, as gee mâroo.

Noo Luke 16:15

As dooyrt eh roo, Shiuish yn vooinjer ta dy heyrey shiu hene kiongoyrt rish deiney: agh ta fys ec Jee er ny creeaghyn eu: son ta shen ta dy mooar soit jeh mastey deiney, feohdoil ayns shilley Yee.

Noo Luke 18:11

Hass y Pharisee as ghow eh padjer myr shoh rish hene, Yee, ta mee cur booise dhyt, nagh vel mish myr deiney elley, tranlaasee, neu‐chairagh, brishey‐poosey, ny foast myr y publican shoh.

Noo Luke 19:7

As tra honnick ad shoh, v’ad ooilley jymmoosagh, gra, Dy row eh er gholl stiagh dy ee as dy iu marish dooinney dy ghrogh vea.

Noo Luke 7:39

Nish yn Pharisee ren y chuirrey eh, tra honnick eh shoh, loayr eh cheu‐sthie jeh hene, gra, Veagh fys er ve ec y dooinney shoh, dy beagh eh ny adeyr, quoi, as cre’n monney dy ven ee shoh, ta bentyn rish: son t’ee ny ben pheccoil.

Noo Ean 8:48

Eisht dreggyr ny Hewnyn, as dooyrt ad rish, Nagh vel shin gra yn irriney, dy nee Samaritan oo, as dy vel drogh‐spyrryd aynyd.

Noo Ean 9:28

Eisht doltooan ad eh, as dooyrt ad, T’ou uss ’syn ynsaghey echeysyn: agh ta shinyn ayns ynsaghey Voses.

Noo Ean 9:34

Dreggyr ad as dooyrt ad rish, V’ou uss er dty ruggey ooilley cooidjagh ayns peccaghyn, as vel oo goaill ort dy ynsaghey shinyn? As ghiare ad magh eh.

Jannoo 22:21

As dooyrt eh rhym, Immee royd: son ver‐ym’s oo er chaghteraght foddey veih shoh gys ny Ashoonee.

Romanee 10:3

Son mee‐hushtagh jeh cairys Yee, as shirrey dy hoiaghey seose yn chairys oc hene, cha vel ad er injillaghey ad hene gys cairys Yee.

Romanee 14:10

Agh cre’n‐fa t’ou briwnys dty vraar? ny cre’n‐fa t’ou soiaghey beg jeh dty vraar? Son shegin dooin ooilley shassoo kiongoyrt rish stoyl‐briwnys Chreest.

Romanee 14:3

Ny lhig dasyn ta gee, beg y hoiaghey jehsyn nagh vel gee; as ny lhig dasyn nagh vel gee, eshyn y vriwnys ta gee: son ta Jee er ghoaill rish.

Romanee 7:9

Son va mish dy jarroo bio un cheayrt fegooish y leigh; agh tra haink yn anney, vio‐ee peccah, as va mish marroo.