Noo Luke 18:14 - Yn Conaant Noa 1810

¹⁴ Ta mee ginsh diu, dy jagh y dooinney shoh sheese gys e hie er ny heyrey roish y jeh elley: son bee dy chooilley er ta dy hoiaghey eh hene seose, er ny injillaghey; as bee eshyn ta dy injillaghey eh hene, er ny hoiaghey seose.

Yn Vible Casherick 1775 1819

¹⁴ Ta mee ginsh diu, dy jagh y dooinney shoh sheese gys e hie er ny heyrey roish y jeh elley: son bee dy chooilley er ta dy hoiaghey eh-hene seose, er ny injillaghey; as bee eshyn ta dy injillaghey eh-hene, er ny hoiaghey seose.

Noo Luke 18:14 ပူးပေါင်းရင်းမြစ်များ

Noo Mian 23:12

Son quoi‐erbee ta dy mooaralagh soiaghey seose eh hene, bee eh er ny injillaghey, agh eshyn ta dy injillaghey eh hene, bee eh er ny hoiaghey seose.

Noo Mian 5:3

Bannit t’adsyn ta imlee ayns spyrryd: son lhieusyn reeriaght niau.

Noo Luke 1:52

T’eh er lhieggal sheese ny treanee veih nyn stuill‐reeoil, as er hoiaghey seose ny imlee.

Noo Luke 10:29

Agh v’eshyn booiagh eh hene y heyrey, as dooyrt eh rish Yeesey, As quoi my naboo?

Noo Luke 14:11

Son quoi‐erbee ta dy hoiaghey eh hene seose, bee eh er ny injillaghey; as eshyn ta dy injillaghey eh hene, bee eh er ny hoiaghey seose.

Noo Luke 16:15

As dooyrt eh roo, Shiuish yn vooinjer ta dy heyrey shiu hene kiongoyrt rish deiney: agh ta fys ec Jee er ny creeaghyn eu: son ta shen ta dy mooar soit jeh mastey deiney, feohdoil ayns shilley Yee.

Romanee 3:20

Shen‐y‐fa liorish obbraghyn y leigh cha bee dooinney erbee er ny heyrey ayns e hilley: son liorish y leigh ta toiggal ain jeh peccah.

Romanee 4:5

Agh dasyn nagh vel gobbraghey, agh credjal ersyn ta seyrey ny mee‐chrauee, ta e chredjue er ny choyrt gys e lieh son cairys.

Romanee 5:1

Shen‐y‐fa er nyn seyrey liorish credjue, ta shee ain rish Jee, trooid nyn Jiarn Yeesey Creest,

Romanee 8:33

Quoi ver nhee erbee gys lieh cloan reiht Yee? she Jee ta seyrey:

Galatianee 2:16

As fys ain nagh vel dooinney er ny heyrey liorish obbraghyn y leigh, agh liorish credjue Yeesey Creest, ta shinyn eer er chredjal ayns Yeesey Creest; dy voddagh shinyn v’er ny heyrey liorish credjue Chreest, as cha nee liorish obbraghyn y leigh: son liorish obbraghyn y leigh cha bee dooinney bio er ny heyrey.

Jamys 4:10

Bee‐jee er nyn injillaghey ayns shilley’n Chiarn, as troggee eh shiu seose.

Jamys 4:6

Agh t’eh coyrt ny smoo dy ghrayse: shen‐y‐fa t’eh gra, Ta Jee cur eddin da ny mooaralee, as coyrt grayse dauesyn ta imlee.