Noo Luke 18:12 - Yn Conaant Noa 1810

¹² Ta mee trostey daa cheayrt ’sy chiaghtin, ta mee cur jaghee jeh ooilley ny t’ayn’s my chummal.

Yn Vible Casherick 1775 1819

¹² Ta mee trostey daa cheayrt ’sy chiaghtin, ta mee cur jaghee jeh ooilley ny t’ayns my chummal.

Noo Luke 18:12 ပူးပေါင်းရင်းမြစ်များ

Noo Mian 5:20

Son ta mee gra riu, Mannagh bee yn ynrickys euish erskyn ynrickys ny Scrudeyryn as ny Phariseeyn, cha vod shiu er aght erbee goll stiagh ayns reeriaght niau.

Noo Mian 6:1

Gow‐jee tastey, nagh jean shiu nyn ghiastyllys fenish deiney, dy ve er ny akin lioroo: er‐nonney cha vow shiu leagh veih’n Ayr eu t’ayns niau.

Noo Mian 6:16

As tra vees shiu trostey, ny bee‐jee groymagh myr ny crauee‐oalsey, son t’adsyn caghlaa cummey nyn eddin, er‐chee deiney dy chur tastey da’n trostey oc. Ta mee shickyrys diu, dy nee shoh [ooilley] nyn leagh.

Noo Mian 6:5

As tra vees oo goaill padjer, cha jean oo myr ny crauee‐oalsey: son shynney lhieusyn shassoo seose ayns ny margaghyn, as ayns king ny straidyn dy ghoaill padjer, er‐chee dy v’er ny akin liorish deiney. Dy firrinagh ta mee gra riu, dy vel ad er gheddyn nyn leagh.

Noo Mian 9:14

Eisht haink huggey ynseydee Ean, as dooyrt ad, Cre’n‐fa ta shinyn as ny Phariseeyn trostey dy mennick, agh cha vel y vooinjer ayd’s trostey?

Noo Luke 11:42

Agh smerg diuish Phariseeyn: son ta shiu jagheenys mynthey, rue, as dy chooilley horch dy lossreeyn, agh s’beg ta shiu soiaghey jeh briwnys as graih Yee: ad shoh lhisagh shiu v’er n’yannoo, gyn faagail y chooid elley gyn jannoo.

Noo Luke 17:10

Myr shen neesht shiuish, tra vees shiu er n’yannoo ooilley ny t’er ny harey diu, abbyr‐jee, She sharvaantyn neu‐frioosagh shin: ta shin er n’yannoo ynrican ny va orrin dy yannoo.

Romanee 3:27

Cre vel boggys eisht? te giarit magh. Liorish cre’n leigh? nee jeh obbraghyn? Cha nee: agh liorish y leigh dy chredjue.

1 Corinthianee 1:29

Nagh jinnagh dooinney erbee boggyssagh ayns yn enish echeysyn.

Galatianee 1:14

As ayns credjue ny Hewnyn va mee ynsit erskyn ymmodee my choasanyn ayns my ashoon hene, shassoo jeean son cliaghtaghyn m’ayraghyn.

Ephesianee 2:9

Cha nee liorish obbraghyn, nagh jinnagh dooinney erbee boggyssagh:

1 Timothy 4:8

Er son shirveish y challin cha vooar yn ymmyd t’ayn: agh ta craaueeaght vondeishagh gys dy chooilley nhee, myr ta gialdyn echey jeh’n vea ta nish ayn, as jeh shen ta ry heet.