Noo Luke 17:13 - Yn Conaant Noa 1810

¹³ As hrog ad seose nyn goraa, as dooyrt ad, Yeesey, Vainshter; jean myghin orrin.

Yn Vible Casherick 1775 1819

¹³ As hrog ad seose nyn goraa, as dooyrt ad, Yeesey, Vainshter, jean myghin orrin.

Noo Luke 17:13 ပူးပေါင်းရင်းမြစ်များ

Noo Mian 15:22

As cur‐my‐ner va ben va ny Canaanite, haink magh ass ny ardjyn shen, geamagh as gra. Jean myghin orrym, O Hiarn, vac Ghavid; s’mooar ta my inneen er ny torchaghey lesh drogh spyrryd.

Noo Mian 9:27

As tra va Yeesey er n’immeeaght veih shen, deiyr daa ghooinney doal er, gyllagh as gra, Jean myghin orrin, Vac Ghavid.

Noo Mark 9:22

As dy mennick t’eh er hilgey eh ayns yn aile, as ayns ny ushtaghyn, dy stroie eh: agh my oddys oo nhee erbee y yannoo, jean chymmey orrin, as cooin lhien.

Noo Luke 17:14

As tra v’eh er yeeaghyn orroo, dooyrt eh roo, Immee‐jee as jeeagh‐jee shiu hene da ny saggyrtyn. As haink eh gy‐kione, myr v’ad goll, dy row ad er nyn ghlenney.

Noo Luke 5:5

As dreggyr Simon as dooyrt eh rish, Vainshter, ta shin er hooilleil fud ny hoie, as cha vel shin er ghoaill monney: ny‐yeih er dty ockle’s cuir‐yms yn lieen.