Noo Luke 16:8 - Yn Conaant Noa 1810

⁸ As voyll y chiarn y stiurt neu‐chairagh, er‐y‐fa dy row eh er n’yannoo dy creeney: son ta cloan y theihll shoh ayns nyn sheeloghe ny s’creeney na cloan y toilshey.

Yn Vible Casherick 1775 1819

⁸ As voyll y chiarn y stiurt neu-chairagh, er-y-fa dy row eh er n’yannoo dy creeney: son ta cloan y theihll shoh ayns nyn sheeloghe ny s’creeney na cloan y toilshey.

Noo Luke 16:8 ပူးပေါင်းရင်းမြစ်များ

Noo Mian 12:32

As quoi‐erbee loayrys fockle noi Mac y dooinney, bee eh er ny leih da: agh quoi‐erbee loayrys noi yn Spyrryd Noo, cha bee eh er ny leih da, edyr ’sy theihll shoh, ny ’sy theihll ta ry‐heet.

Noo Mian 17:26

Dooyrt Peddyr rish, Jeh joarreeyn. Dooyrt Yeesey rishyn, Eisht ta’n chloan seyr.

Noo Luke 16:10

Eshyn ta ynrick ayns yn nhee s’fardalee, t’eh ynrick myrgeddin ayns mooarane: as eshyn ta neu‐chairagh ayns y nhee s’fardalee, t’eh neu‐chairagh myrgeddin ayns mooarane.

Noo Luke 16:4

Shoh ta mee kiarail dy yannoo tra chaill‐ym y stiurtys, dy vod paart jeu goaill mee stiagh ayns ny thieyn oc.

Noo Luke 16:7

As dooyrt eh rish fer elley, As cre‐woad t’ou uss dy lhiastyn? As dooyrt eh, Keead towse dy churnaght. As dooyrt eh rish, Gow dty lioar as scrieu kiare‐feed.

Noo Luke 18:6

As dooyrt y Chiarn, Clasht‐jee cre ta’n briw neu‐chairagh dy ghra.

Noo Luke 20:34

As dreggyr Yeesey as dooyrt eh roo, Ta cloan y theihll shoh poosey, as er nyn goyrt ayns poosey:

Noo Luke 20:35

Agh adsyn vees coontit feeu jeh’n theihll shen, as jeh yn irree‐reesht veih ny merriu, cha vel ad poosey, ny er nyn goyrt ayns poosey.

Noo Ean 12:36

Choud as ta soilshey eu, cred‐jee ayns y toilshey, dy vod shiu ve nyn gloan jeh’n toilshey. Ny goan shoh loayr Yeesey, as jimmee eh roish, as dollee eh eh‐hene voue.

1 Corinthianee 3:18

Ny lhig da dooinney erbee eh hene y volley: My ta dooinney erbee ny vud eu goaill er hene dy ve creeney ’sy theihll shoh, lhig da ve ny ommydan, dy voh eh ve creeney.

Ephesianee 5:8

Son va shiu keayrt dy row dorraghys, agh nish ta shiu soilshey ayns y Chiarn: immee‐jee myr cloan y toilshey;

Philippianee 3:19

Ta’n jerrey oc toyrt‐mow, yn Jee oc ta nyn molg, as ta’n gloyr oc ayns nyn nearey, ta nyn aigney er nheeghyn seihltagh.)

1 Thessalonianee 5:5

Ta shiuish ooilley cloan y toilshey, as cloan y laa: cha vel shinyn jeh’n oie, ny jeh’n dorraghys.

1 Peddyr 2:9

Agh ta shiuish sheeloghe reiht, saggyrtys reeoil, ashoon casherick, pobble cosnit; dy jinnagh shiu soilshaghey magh yn moylley echeysyn t’er n’eamagh shiu ass y dorraghys gys e hoilshey mirrilagh:

1 Ean 3:10

Liorish shoh ta cloan Yee er nyn gronnaghey voish cloan y drogh‐spyrryd: Quoi‐erbee nagh vel jannoo cairys, cha vel eh jeh Jee, ny foast eshyn nagh nhynney lesh e vraar.