Noo Luke 16:17 - Yn Conaant Noa 1810

¹⁷ Agh te ny sassey da’n aer as da’n thalloo dy herraghtyn, na da un floag jeh’n leigh dy ailleil.

Yn Vible Casherick 1775 1819

¹⁷ Agh te ny sassey da’n aer as da’n thalloo dy herraghtyn, na da un floag jeh’n leigh dy ailleil.

Noo Luke 16:17 ပူးပေါင်းရင်းမြစ်များ

Noo Mian 5:18

Son dy firrinagh ta mee gra riu, Derrey nee yn aer as yn ooir lheïe ersooyl, cha bee un ockle, n’yn floag sloo er ny ghoaill veih’n leigh, derrey vees ooilley jeant mie.

Noo Luke 21:33

Nee yn aer as yn ooir cherraghtyn, agh my ghoan’s cha jean cherraghtyn.

Romanee 3:31

Vel shin eisht rassey yn leigh trooid credjue? ny lhig eh Jee: dy jarroo firrinagh, ta shin niartaghey’n leigh.

1 Peddyr 1:25

Agh ta goo Yee tannaghtyn son dy bragh. As shoh’n goo t’er ny phreacheil diu liorish y sushtal.

2 Peddyr 3:10

Agh hig laa yn Chiarn myr maarliagh ’syn oie; tra nee ny niaughyn cherraghtyn lesh feiyr atchimagh, as nee stoo yn theihll lheïe lesh chiass loshtee bee’n thalloo shoh hene myrgeddin as ny obbraghyn t’ayn er nyn lostey seose.

Ashlish 20:11

As honnick mee stoyl‐reeoil mooar gial, as eshyn va ny hoie er, veih e enish ren niau as thalloo chea ersooyl, as cha row ynnyd ry‐gheddyn er nyn son.

Ashlish 21:1

As honnick mee niau noa as seihll noa: son va’n chied niau as y chied seihll er n’gholl shaghey; as cha row faarkey ayn arragh.

Ashlish 21:4

As glennee Jee ersooyl dy chooilley yeïr veih ny sooillyn oc, as cha bee baase ayn maghey shen, chamoo trimshey, ny dobberan, chamoo vees veg y phian arragh: son ta ny reddyn va roïe er n’gholl shaghey.