Noo Luke 16:13 - Yn Conaant Noa 1810

¹³ Cha vod sharvaant erbee daa vainshter y hirveish: son eddyr ver eh feoh da’n derrey yeh as graih da’n jeh elley; er‐nonney cummee eh gys y derrey yeh, as soie‐ee eh beg jeh’n jeh elley. Cha vod shiu Jee as mammon y hirveish.

Yn Vible Casherick 1775 1819

¹³ Cha vod sharvaant erbee daa vainshter y hirveish: son edyr ver eh feoh da’n derrey yeh as graih da’n jeh elley; er-nonney cummee eh gys y derrey yeh, as soie-ee eh beg jeh’n jeh elley. Cha vod shiu Jee as Mammon y hirveish.

Noo Luke 16:13 ပူးပေါင်းရင်းမြစ်များ

Noo Mian 4:10

Eisht dooyrt Yeesey rish, Ass my enish oo, Noid‐ny‐hanmey: son te scruit, Ver oo ooashley da’n Chiarn dty Yee, as eshyn ynrycan nee oo shirveish.

Noo Mian 6:24

Cha vod dooinney erbee daa vainshter y hirveish: son edyr ver eh dwoaie da’n derrey yeh, as graih da’n jeh elley; ny bee eh jeidjagh da’n derrey yeh, ny soiaghey beg jeh’n jeh elley. Cha vod shiu Jee as Mammon y hirveish.

Noo Luke 11:23

Eshyn nagh vel lhiam, t’eh m’oï; as eshyn nagh vel chymsaghey mârym, t’eh skeayley.

Noo Luke 14:26

My hig dooinney erbee hym’s, as nagh vel graih sloo echey er e ayr as e voir, as e ven, as e chloan, as e vraaraghyn, as e hayraghyn, dy jarroo, as er e vioys hene [na orrym’s] cha vod eh dy firrinagh gynsaghey voym’s.

Noo Luke 16:12

As mannagh vel shiu er ve firrinagh ayns ny ta lesh dooinney elley, quoi ver diu ny vees lhieu hene?

Noo Luke 16:9

As ta mee gra riu, Jean‐jee diu hene caarjyn liorish yn mammon molteyragh; tra nee shiu failleil, dy vod ad shiu y ghoaill stiagh gys ny ynnydyn‐vaghee dy bragh farraghtyn.

Noo Luke 9:50

As dooyrt Yeesey rish, Ny jean‐jee eh y lhiettal: son eshyn nagh vel nyn ’oï, t’eh lhien.

Jamys 4:4

Shiuish gheiney as vraane maarderee [spyrrydoil,] nagh vel fys eu dy vel caarjys y theihll noidys rish Jee? quoi‐erbee er‐y‐fa shen saillish ve ny charrey da’n seihll, t’eh noid Yee.