Noo Luke 16:1 - Yn Conaant Noa 1810

¹ As dooyrt eh myrgeddin rish e ostyllyn, Va dooinney berchagh dy row as stiurt echey, va er ny chassid huggey son jummal e chooid.

Yn Vible Casherick 1775 1819

¹ As dooyrt eh myrgeddin rish e ostyllyn, Va dooinney berchagh dy row as stiurt echey, va er ny chassid huggey son jummal e chooid.

Noo Luke 16:1 ပူးပေါင်းရင်းမြစ်များ

Noo Mian 20:8

Myr shen tra va’n fastyr er jeet, dooyrt chiarn y gharey‐feeyney rish y stiurt echey, Eïe er ny labreeyn, as cur daue nyn vaill, goaill toshiaght veih yn vooinjer s’jerree gys y chied eallagh.

Noo Luke 12:42

As dooyrt y Chiarn, Quoi eisht yn stiurt firrinagh as creeney shen nee e hiarn y yannoo ny er‐reill er lught e hie, dy hirveish orroo nyn meaghey ayns traa cooie?

Noo Luke 15:13

As laghyn ny lurg shen, hymsee yn mac saa ooilley cooidjagh, as ghow eh jurnah gys cheer foddey, as ayns shen hug eh jummal er e chooid liorish beaghey rouanagh.

Noo Luke 15:30

Agh cha leah as v’eh shoh dty vac er jeet, ta er vaarail dty chooid er streebaghyn, t’ou er varroo er e hon yn lheiy beiyht.

Noo Luke 16:19

Va dooinney berchagh dy row va coamrit ayns gorrym‐jiarg, as sheeidey, as farraill dy soaillagh dy chooilley laa.

Noo Luke 16:2

As deïe eh er, as dooyrt eh rish, Kys dy vel mee clashtyn shoh jeed? cur coontey jeh dty stiurtys: son cha vod oo ve ny‐sodjey dty stiurt,

Noo Luke 19:20

As haink fer elley, gra, Hiarn, cur‐my‐ner, shoh dty phunt, t’er ny ve aym’s tashtit ayns naptin:

Noo Luke 8:3

As Joanna ben Chusa stiurt Herod, as Susanna, as ymmodee elley, v’er hirveish er jeh nyn gooid.

Titus 1:7

Son shegin dy aspick ve gyn foill, myr stiurt Yee; cha nee mooaralagh, ny leah fargagh, cha nee cur rish feeyn, ny builltagh, ny soit er cosney scammyltagh;

Jamys 4:3

Ta shiu geearree as cha vel shiu geddyn, er‐y‐fa dy vel shiu geearree ass y raad, dy vod shiu y vaarail eh er ny sayntyn eu hene.

1 Peddyr 4:10

Myr ta dy chooilley ghooinney er gheddyn gioot, dy jarroo myr shen rheynn‐jee eh yn derrey yeh er y jeh elley, myr stiurtyn mie jeh ymmodee‐filley grayse Yee.