Noo Luke 14:32 - Yn Conaant Noa 1810

³² Er‐nonney, choud as ta’n ree elley foddey veih, t’eh cur chaghteraght huggey, as chebbal conaantyn shee.

Yn Vible Casherick 1775 1819

³² Er-nonney, choud as ta’n ree elley foddey veih, t’eh cur chaghteraght huggey, as chebbal conaantyn shee.

Noo Luke 14:32 ပူးပေါင်းရင်းမြစ်များ

Noo Mian 5:25

Coard dy tappee rishyn ta streeu rhyt, choud as vees shiu goll cooidjagh er y raad, er‐aggle dy der eshyn oo fo laue yn vriw, as dy der yn briw oo fo currym y tidoor, as dy bee oo tilgit ayns pryssoon.

Noo Mian 5:42

Cur dasyn ta jannoo aghin hood, ad veihsyn ta shirrey geeasaght voïd, ny chyndaa eersooyl.

Noo Luke 12:58

Tra t’ou goll fenish yn er‐reill mârishyn ta ec streeu rhyt, jean ny oddys oo er y raad dy gheddyn rea rish; er‐aggle dy dayrn eh lesh oo gys y vriw as dy livrey yn briw oo da’n tidoor, as dy dilg eh shen oo ayns pryssoon.

Noo Luke 14:31

Ny cre’n ree ragh dy yannoo caggey noi ree elley, nagh soiagh sheese hoshiaght dy ghoaill coyrle, vel eh son goll magh lesh jeih thousaneyn ny whail echeysyn ta cheet n’oï lesh feed thousane?

Noo Luke 14:33

Myr shen myrgeddin quoi‐erbee jiuish, nagh vel treigeil ooilley ny t’echey, cha vod eh ve ny eiyrtyssagh dooys.

Noo Luke 19:14

Agh dirree yn theay shen magh n’oï, as hug ad chaghteraght geiyrt er, gra, Cha naill‐lhien yn dooinney shoh dy reill harrin.

Jannoo 12:20

As va Herod ayns noidys dewil rish cummaltee Tyre as Sidon: agh haink ad lesh un aigney huggey, as hooar ad stiagh rish Blastus, shamyrder y ree, as hir ad shee; er coontey dy row yn cheer oc cummit seose liorish cheer y ree.