Noo Luke 14:21 - Yn Conaant Noa 1810

²¹ Myr shen haink y charvaant cheddin, as hoilshee eh da e hiarn ny reddyn shoh. Eisht va mainshter y thie jymmoosagh, as dooyrt eh rish e harvaant, Gow magh dy tappee gys straidyn as raaidyn yn ard‐valley, as cur lhiat stiagh ayns shoh ny boghtyn, as ny baccee, as ny croobee, as ny doail.

Yn Vible Casherick 1775 1819

²¹ Myr shen haink y charvaant cheddin, as hoilshee eh da e hiarn ny reddyn shoh. Eisht va mainshter y thie jymmoosagh, as dooyrt eh rish e harvaant, Gow magh dy tappee gys straidyn as raaidyn yn ard-valley, as cur lhiat stiagh ayns shoh ny boghtyn, as ny baccee, as ny croobee, as ny doail.

Noo Luke 14:21 ပူးပေါင်းရင်းမြစ်များ

Noo Mian 11:28

Tar‐jee hym’s oilley shiuish ta deinagh as trome laadit, as neem’s shiu y ooraghey.

Noo Mian 11:5

Ta ny doail geddyn nyn soilshey, as ny croobee shooyll, ny louraanee er nyn ghlenney, ny beuyr clashtyn, ny merriu er nyn mioghey, as yn sushtal er ny phreacheil da ny boghtyn.

Noo Mian 15:12

Eisht haink e ostyllyn huggey, as dooyrt ad rish, Vel fys ayd dy row ny Phariseeyn jymmoosagh, tra cheayll ad y raa shoh?

Noo Mian 18:31

Myr shen tra honnick e heshaghyn‐sharvaant kys hie eh er, ghow ad dy feer olk rish, as haink ad, as dinsh ad da nyn jiarn ooilley ny va er daghyrt.

Noo Mian 20:7

Dooyrt adsyn rish, Er‐yn‐oyr nagh vel dooinney erbee er vailley shin. Dooyrt eshyn roo, Immee‐jee shiuish myrgeddin gys y gharey‐feeney, as yiow shiu cre‐erbee ta cair.

Noo Luke 14:13

Agh tra t’ou jannoo cuirraghyn, eïe er ny boghtyn, ny baccee, ny croobee, as ny doail:

Noo Luke 14:20

As dooyrt fer elley, Ta mee er phoosey ben, as er‐y‐fa shen cha voddym cheet.

Noo Luke 14:22

As dooyrt y charvaant, Hiarn, te jeant myr t’ou er harey, as foast ta room.

Noo Luke 14:24

Son ta mee gra riu, nagh jean fer jeh ny deiney va cuirt, blashtyn jeh my hibber.

Noo Luke 24:47

As arrys as leih peccaghyn dy ve er nyn breacheil ayns yn ennym echey, mastey dy chooilley ashoon, goaill toshiaght ec Jerusalem.

Noo Luke 9:10

As tra va ny ostyllyn er jeet reesht, dinsh ad da [Yeesey] ooilley ny v’ad er n’yannoo. As ghow eh ad, as hie eh dy lhiattee gys boayl er‐lheh ayns yn aasagh, bentyn gys ard‐valley enmyssit Bethsaida.

Noo Ean 9:39

As dooyrt Yeesey, Son briwnys haink mish gys y theihll shoh: dy vod adsyn nagh vel fakin, fakin; as adsyn ta fakin, dy vod ad v’er nyn yannoo doal.

Hebrewnee 13:17

Cur‐jee biallys dauesyn ta reill harrystiu, as bee‐jee arrymagh daue: son t’ad er nyn arrey son ny anmeenyn eu, myr adsyn shegin coontey ’choyrt: dy vod ad shen y yannoo lesh boggey, as cha nee lesh trimshey: son ta shen neu‐vondeishagh diu.

Hebrewnee 2:3

Kys oddys shinyn scapail, my nee mayd mee‐rioose er saualtys cha gloyroil, va hoshiaght focklit magh liorish y Chiarn, as v’er ny hickyraghey dooinyn lioroosyn cheayll eh;

Jamys 2:5

Toig‐jee, my vraaraghyn ghraihagh, Nagh vel Jee er reih boghtyn y theihll shoh, berchagh ayns credjue, as eiraghyn y reeriaght t’eh er ghialdyn dauesyn ta graihagh er?

Ashlish 19:15

As magh ass e veeal ta goll cliwe gyere dy woalley ny ashoonyn lesh: as nee eh reill ad lesh lorg yiarn: as t’eh stampey press‐feeyney jeh dewilys as jymmoose Yee ooilley‐niartal.

Ashlish 22:17

As ta’n Spyrryd as ben y phoosee gra, Tar‐jee. As lhig dasyn ta clashtyn, gra, Tar‐jee. As lhig dasyn ta paagh cheet. As lhig da quoi‐erbee saillish goaill ushtey yn vea nastee.