Noo Luke 13:33 - Yn Conaant Noa 1810

³³ Ny‐yeih, Shegin dou shooyl jiu as mairagh, as y laa er‐giyn: son s’coan oddys phadeyr cherraghtyn agh ayns Jerusalem.

Yn Vible Casherick 1775 1819

³³ Ny-yeih, Shegin dou shooyl jiu as mairagh, as y laa er-giyn: son s’coan oddys phadeyr cherraghtyn agh ayns Jerusalem.

Noo Luke 13:33 ပူးပေါင်းရင်းမြစ်များ

Noo Mian 20:18

Cur‐my‐ner ta shin goll seose gys Jerusalem, as bee Mac y dooinney er ny vrah gys ny ard‐saggyrtyn, as gys ny scrudeyryn, as deyree ad eh gy baase.

Noo Mian 21:11

Dooyrt y pobble, Shoh Yeesey yn phadeyr, ta veih Nazareth, ayns Galilee.

Noo Luke 9:53

Agh cha dug adsyn oltaghey‐bea da, er‐yn‐oyr dy dug ad my‐ner dy row eh goll gys Jerusalem.

Noo Ean 11:54

Cha jimmee Yeesey er‐y‐fa shen ny smoo dy foshlit mastey ny Hewnyn; agh hie eh veih shen gys cheer va er‐gerrey da’n aasagh, gys ard‐valley enmyssit Ephraim, as duirree eh ayns shen marish e ostyllyn.

Noo Ean 11:9

Dreggyr Yeesey, Nagh vel daa oor yeig ’sy laa? My ta dooinney erbee shooyll ayns y laa, cha vel eh snapperal, er‐y‐fa dy vel eh fakin soilshey yn theihll shoh.

Noo Ean 12:35

Eisht dooyrt Yeesey roo, Foast tammylt beg ta’n soilshey mêriu: shooill‐jee choud as ta’n soilshey eu, er‐aggle dy jig y dorraghys erriu: son cha vel fys echeysyn ta shooyll ayns y dorraghys c’raad t’eh goll.

Noo Ean 4:34

Dooyrt Yeesey roo, Yn beaghey aym’s eh, dy yannoo yn aigney echeysyn t’er my choyrt, as dy chooilleeney yn obbyr echey.

Noo Ean 9:4

Shegin dooys gobbraghey ny obbraghyn echeysyn t’er my choyrt, choud as ta’n laa ayn: ta’n oie cheet tra nagh vod dooinney erbee gobbraghey.

Jannoo 10:38

Kys dy ren Jee Yeesey dy Nazareth y ooillaghey lesh y Spyrryd Noo, as lesh pooar; eh hie mygeayrt jannoo mie; as slaanaghey ooilley adsyn va seaghnit liorish y drogh‐spyrryd: son va Jee mârish.

Jannoo 13:27

Son cummaltee Yerusalem, as ny fir‐reill oc, son nagh dug ad tastey dasyn, ny foast da, goo ny phadeyryn t’er nyn lhaih dy chooilley ghoonaght, t’ad er chooilleeney ad shen ayns eshyn y gheyrey.