Noo Luke 13:13 - Yn Conaant Noa 1810

¹³ As hug eh e laueyn urree; as er‐y‐chooyl v’ee er ny yannoo jeeragh, as ren ee Jee y ghloyraghey.

Yn Vible Casherick 1775 1819

¹³ As hug eh e laueyn urree; as er-y-chooyl v’ee er ny yannoo jeeragh, as ren ee Jee y ghloyraghey.

Noo Luke 13:13 ပူးပေါင်းရင်းမြစ်များ

Noo Mian 9:8

Agh tra honnick y pobble shoh, ghow ad yindys, as hug ad moylley da Jee, v’er choyrt lheid y phooar da deiney.

Noo Mark 16:18

Nee ad loaghtey ard‐nieughyn, as my iu‐ys ad nhee erbee pushoonagh, cha jean eh skielley daue: ver ad nyn laueyn er sleih chingey, as nee ad coural.

Noo Mark 5:23

As ghuee eh er dy jeean, gra, Ta my inneen veg ny lhie raad y vaaish, tar as cur dty laueyn urree, dy vod ee v’er ny lheihys, as bee ee bio.

Noo Mark 6:5

As cha dod eh mirril erbee y obbraghey ayns shen, cheu‐mooie jeh dy dug eh e laueyn er regyryn dy leih chingey, as dy ren eh ad y lheihys.

Noo Mark 8:25

Ny lurg shen, hug eh e laueyn reesht er e hooillyn, as hug eh er jeeaghyn seose: as hooar eh e hoilshey, as honnick eh dy chooilley ghooinney dy cronnal.

Noo Luke 13:12

As tra honnick Yeesey ee, deïe eh urree huggey, as dooyrt eh r’ee, Ven, t’ou er dty eaysley veih dty ghoghan.

Noo Luke 18:43

As chelleeragh hooar eh e hoilshey, as deiyr eh er, cur gloyr da Jee: as ooilley yn pobble, tra honnick ad eh, hug ad moylley da Jee.

Noo Luke 4:40

Nish ec lhie ny greiney, whilleen as va sleih chingey oc fo mooarane doghanyn, hug ad lhieu ad huggey; as hug eh e laueyn er dy chooilley unnane oc, as ren eh ad y lheihys.

Jannoo 9:17

As jimmee Ananias roish, as hie eh stiagh ayns y thie; as hug eh e laueyn er, as dooyrt eh, Vraar Saul, ta’n Chiarn (eer Yeesey honnick oo er y raad myr haink oo) er my choyrt’s, dy voddagh oo dty hoilshey y gheddyn, as ve lhieent lesh y Spyrryd Noo.