Noo Luke 12:32 - Yn Conaant Noa 1810

³² Ny gow‐jee aggle my hioltane veg; son she aigney‐mie nyn Ayr eh; dy chur diuish yn reeriaght.

Yn Vible Casherick 1775 1819

³² Ny gow-jee aggle my hioltane veg; son she aigney-mie nyn Ayr eh; dy chur diuish yn reeriaght.

Noo Luke 12:32 ပူးပေါင်းရင်းမြစ်များ

Noo Mian 14:27

Agh chelleeragh loayr Yeesey roo, gra, Bee‐jee dy yien mie, she mish t’ayn, ny gow‐jee aggle.

Noo Mian 20:16

Myr shen bee adsyn ta er‐jerrey hoshiaght, as adsyn ta hoshiaght er‐jerrey: son shimmey t’er nyn eam, agh s’tiark t’er nyn reih.

Noo Mian 25:34

Eisht jir y ree roosyn er e laue‐yesh, Tar‐jee chloan vannit my Ayrey, gow‐jee eiraght ’sy reeriaght ta kiarit diu er‐dy hoshiaght y theihll.

Noo Mian 7:15

Bee‐jee er nyn dwoaie jeh phadeyryn foalsey, ta cheet hiu ayns coamrey keyrragh, agh cheu‐sthie t’ad nyn moddee‐oaldey jollyssagh.

Noo Luke 10:21

Ayns yn oor cheddin ghow Yeesey boggey ayns e spyrryd, as dooyrt eh, Ta mee cur booise dhyt, O Ayr, Hiarn niau as thalloo, dy vel oo er cheiltyn ny reddyn shoh vouesyn ta creeney as tushtagh, as dy vel oo er hoilshaghey ad da oikanyn: shen dy jarroo myr te, Ayr, son shen myr ve mie ayns dty hilley’s.

Noo Ean 18:36

Dreggyr Yeesey, Cha vel my reeriaght’s jeh’n theihll shoh: dy beagh my reeriaght jeh’n theihll shoh, eisht veagh my harvaantyn er chaggey, nagh beign er my livrey gys ny Hewnyn, agh nish cha nee veih shoh ta my reeriaght.

Jannoo 20:28

Cur‐jee twoaie er‐y‐fa shen diu hene, as da ooilley yn chioltane harrystoo ta’n Spyrryd Noo er n’yannoo shiu nyn aspickyn, dy veaghey agglish Yee, t’eh er chionnaghey lesh e uill hene.

Jannoo 20:29

Son ta fys aym, erreish dooys v’er n’immeeaght, dy jig moddee‐oaldey jollyssagh stiagh ny mast’ eu, gyn chymmey er y chioltane.

Romanee 6:23

Son she faill peccah yn baase: agh she gioot Yee yn vea dy bragh beayn, trooid Yeesey Creest nyn Jiarn.

1 Corinthianee 1:21

Son fakin, ayns creenaght Yee, nagh dug y seihll liorish creenaght enney er Jee, ve aigney Yee liorish ommijys preacheil dy hauail adsyn ta credjal.

Philippianee 2:13

Son she Jee ta gobbraghey ayndiu, chammah dy smooinaghtyn er, as dy yannoo jeh e aigney mie hene.

2 Thessalonianee 1:11

Shen‐y‐fa ta shin myrgeddin dy kinjagh goaill padjer er nyn son eu, dy gooidsave lesh y Jee ain dy choontey shiu feeu jeh’n eam shoh, as dy chooilleeney ooilley aigney‐mie e vieys, as yn obbyr dy chredjue lesh pooar.

2 Thessalonianee 1:5

Ta cowrey cronnal jeh briwnys cairagh Yee, dy vod shiu ve coontit feeu jeh reeriaght Yee, er y hon ta shiu myrgeddin surranse:

Hebrewnee 12:28

Shen‐y‐fa fakin dy vel shinyn er gheddyn reeriaght nagh vod v’er ny scughey, lhig da grayse ve ain, liorish oddys mayd Jee y hirveish dy booisal, lesh arrym as aggle crauee.

Jamys 2:5

Toig‐jee, my vraaraghyn ghraihagh, Nagh vel Jee er reih boghtyn y theihll shoh, berchagh ayns credjue, as eiraghyn y reeriaght t’eh er ghialdyn dauesyn ta graihagh er?

2 Peddyr 1:11

Son myr shoh bee fosley gloyroil jeant er nyn son, gys reeriaght dy bragh farraghtyn nyn Jiarn as Saualtagh Yeesey Creest.

Ashlish 1:6

As ta er n’yannoo shin reeaghyn as saggyrtyn gys Jee as e Ayr; dasyn dy row gloyr as reill son dy bragh as dy bragh. Amen.

Ashlish 22:5

As cha bee oie edyr ayns shen, as cha vel ad feme cainle, chamoo soilshey’n ghrian; son ta’n Chiarn Jee coyrt soilshey daue: as nee ad reill son dy bragh as dy bragh.