Noo Luke 12:17 - Yn Conaant Noa 1810

¹⁷ As smooinee eh rish hene, gra, Cre share dou jannoo, tra nagh vel boayl tashtee aym dy ghoaill my hroar?

Yn Vible Casherick 1775 1819

¹⁷ As smooinee eh rish hene, gra, Cre share dou jannoo, tra nagh vel boayl tashtee aym dy ghoaill my hroar?

Noo Luke 12:17 ပူးပေါင်းရင်းမြစ်များ

Noo Mian 16:7

As loayr ad ry‐cheilley, gra, Ta shoh er yn oyr nagh dug shin lhien arran.

Noo Mian 5:42

Cur dasyn ta jannoo aghin hood, ad veihsyn ta shirrey geeasaght voïd, ny chyndaa eersooyl.

Noo Luke 10:25

As cur‐my‐ner, hass fer‐ynsee dy row jeh’n leigh seose er‐chee y phrowal eh, gra, Vainshter, cre t’orrym’s dy yannoo dy vod eiraght y ve aym ayns y vea veayn?

Noo Luke 11:41

Agh cur‐jee lheid as t’eu da ny boghtyn: as cur‐my‐ner, bee dy chooilley nhee glen diu.

Noo Luke 12:16

As loayr eh coraa‐dorraghey roo, gra, Ren thalloo dooinney berchagh dy row mess y chur magh dy palchey.

Noo Luke 12:18

Eisht dooyrt eh, Shoh nee’m y yannoo: Lhieg‐ym my hoaltyn, as trog‐ym soaltyn smoo; as shen y raad nee’m ooilley my vess as my chooid y hashtey.

Noo Luke 12:22

As dooyrt eh rish e ostyllyn, Shen‐y‐fa ta mish gra riuish, Ny bee‐jee imneagh son nyn mea, cre nee shiu y ee: ny son nyn girp, cre ver shiu miu.

Noo Luke 12:29

As ny bee‐jee seaghnit mysh cre ee‐ys, ny cre iu‐ys shiu chamoo bee‐jee jeh aigney imneagh.

Noo Luke 12:33

Creck‐jee ny t’eu, as cur‐jee da ny boghtyn: kiare‐jee diu hene sporranyn nagh naase shenn, berchys ayns ny niaughyn nagh vel failleil, raad nagh vel y maarliagh cheet er‐gerrey, ny’n lhemeen cur mow.

Noo Luke 16:3

Eisht dooyrt y stiurt rish hene, Cre nee’m? son ta my hiarn goaill y stiurtys voym: cha voddym reurey, as dy huill ny dhieyn ta nearey orrym.

Noo Luke 16:9

As ta mee gra riu, Jean‐jee diu hene caarjyn liorish yn mammon molteyragh; tra nee shiu failleil, dy vod ad shiu y ghoaill stiagh gys ny ynnydyn‐vaghee dy bragh farraghtyn.

Noo Luke 18:22

Nish tra cheayll Yeesey shoh, dooyrt eh rish, Ta foast ort un red y yannoo: creck as rheynn ooilley ny t’ayd er ny boghtyn, as bee berchys ayd ayns niau: as tar, as eiyr orrym’s.

Noo Luke 19:17

As dooyrt eh rish, S’mie shen, harvaant vie: er‐yn‐oyr dy vel oo er ve firrinagh ayns red feer fardalagh, gow uss yn reill er jeih ard‐valjyn.

Noo Luke 3:11

Dreggyr eh as dooyrt eh roo, Eshyn ta daa chooat echey, lhig da y choyrt dasyn nagh vel cooat eddyr echey; as eshyn ta beaghey echey, lhig da jannoo er yn aght cheddin.

Jannoo 16:30

As hug eh lesh ad magh, as dooyrt eh, Gheiney vie, cre t’orrym dy yannoo dy chosney saualtys?

Jannoo 2:37

Nish tra cheayll ad shoh, v’ad guint ayns nyn gree, as dooyrt ad rish Peddyr, as rish ny ostyllyn elley, Gheiney as vraaraghyn, cre bailliu shin dy yannoo?

Romanee 12:13

Rheynn gys ymmyrch ny nooghyn ; arryltagh dy choyrt oltaghey‐bea da troailtee.

1 Timothy 6:17

Cur currym orroosyn ta berchagh ’sy theihll shoh, nagh bee ad ard‐aignagh, ny treishteil ayns berchys neu‐hickyr, agh ayns y Jee bio, ta cur dooin dy palchey dy chooilley nhee dy ghoaill soylley jeu:

1 Ean 3:16

Liorish shoh ta shin toiggal graih Yee, ayns dy dug eh sheese e vioys er nyn son: as lhisagh shinyn nyn mioys y chur sheese son ny braaraghyn.