Noo Luke 11:4 - Yn Conaant Noa 1810

⁴ As leih dooin nyn beccaghyn; son ta shinyn myrgeddin leih da dy chooilley unnane ta ayns lhiastynys dooin. As ny leeid shin ayns miolagh, agh livrey shin veih olk.

Yn Vible Casherick 1775 1819

⁴ As leih dooin nyn beccaghyn; son ta shinyn myrgeddin leih da dy chooilley unnane ta ayns lhiastynys dooin. As ny leeid shin ayns miolagh, agh livrey shin veih olk.

Noo Luke 11:4 ပူးပေါင်းရင်းမြစ်များ

Noo Mian 18:35

Er yn aght shoh myrgeddin nee my Ayr flaunyssagh riuish, mannagh leihee shiu veih nyn greeaghyn dy chooilley ghooinney da e vraar e loghtyn.

Noo Mian 26:41

Bee‐jee er nyn dwoaie as gow‐jee padjer, nagh duitt shiu ayns miolagh: ta’n spyrryd dy jarroo arryltagh, agh t’an eill annoon.

Noo Luke 11:5

As dooyrt eh roo, Quoi jiuish vees carrey echey, as hed huggey ec main‐oie; as jir rish, Charrey, eeasee dou three bwilleenyn;

Noo Luke 13:4

Ny yn hoght‐jeig shen, orroo ren y toor ayns Siloam tuittym, as ad y varroo, vel shiu smooinaghtyn dy row ad nyn beccee erskyn ooilley cummaltee Yerusalem?

Noo Luke 22:46

As dooyrt eh roo, Cre’n‐fa ta shiu cadley? irree‐jee as gow‐jee padjer, nagh duitt shiu ayns miolagh.

Noo Luke 8:13

Adsyn er y chreg, yn vooinjer, tra t’ad er chlashtyn, ta goaill y goo dy arryltagh; as cha vel fraue oc shoh, son tammylt t’ad credjal, agh ayns earish miolagh ta nyn gredjue failleil.

Noo Ean 17:15

Cha vel mee guee ort dy ghoaill ad ass y theihll, agh oo dy reayll ad veih’n olk.

1 Corinthianee 10:13

Cha vel miolagh erbee er jeet nyn raad, agh lheid as ta cadjin da dooinney: agh ta Jee firrinagh, nagh lhig diuish dy ve er nyn miolaghey erskyn ny oddys shiu y ymmyrkey; agh nee eh myrgeddin lesh y violagh raad y yannoo dy scapail, dy vod niart y ve ayndiu dy ymmyrkey eh.

Colossianee 3:13

Gymmyrkey yn derrey yeh lesh y jeh elley, as leih da ’cheilley, my ta dooinney erbee as streeu echey rish fer elley; dy jarroo myr ta Creest er leih diuish, myr shen myrgeddin jean‐jee shiuish leih dauesyn.

2 Thessalonianee 3:3

Agh ta’n Chiarn firrinagh, nee shiuish y niartaghey, as y reayll veih olk.

2 Timothy 4:18

As nee’n Chiarn my livrey veih dy chooilley obbyr olk, as nee eh m’y choadey gys e reeriaght flaunyssagh: huggey dy row gloyr son dy bragh as dy bragh. Amen.

Jamys 2:13

Son yiow eshyn briwnys dyn myghin, nagh vel er hoilshaghey myghin; as ta myghin boggyssagh harrish briwnys.

Ashlish 2:10

Ny gow aggle roish veg jeh ny reddyn shen nee oo surranse: cur‐my‐ner, nee yn drogh‐spyrryd paart eu y hilgey ayns pryssoon, dy vod shiu v’er nyn browal; as bee shiu fo tranlaase jeih laa: bee uss firrinagh gys y vaase, as ver‐yms dhyt attey dy vea.

Ashlish 3:10

Er‐yn‐oyr dy vel oo er vreayll goo my hurranse, freill‐yms uss myrgeddin veih’n oor dy hrial, ta ry‐hoi cheet er ooilley’n seihll, dy phrowal adsyn ta baghey er y thalloo.