Noo Luke 11:27 - Yn Conaant Noa 1810

²⁷ As haink eh gy‐kione, myr v’eh loayrt ny goan shoh, dy hrog ben dy row jeh’n cheshaght seose e coraa, as dooyrt ee rish, Bannit ta’n vrein ren oo y ymmyrkey, as ny keeaghyn t’ou er yiole.

Yn Vible Casherick 1775 1819

²⁷ As haink eh gy-kione, myr v’eh loayrt ny goan shoh, dy hrog ben dy row jeh’n cheshaght seose e coraa, as dooyrt ee rish, Bannit ta’n vreïn ren oo y ymmyrkey, as ny keeaghyn t’ou er yiole.

Noo Luke 11:27 ပူးပေါင်းရင်းမြစ်များ

Noo Luke 1:28

As haink yn ainle stiagh as dooyrt eh r’ee, Dy vannee dhyt’s ta ayns ard‐foayr, ta’n Chiarn mayrt; bannit t’ou uss mastey mraane.

Noo Luke 1:42

As loayr ee lesh ard‐choraa as dooyrt ee, Bannit t’ou uss mastey mraane, as bannit ta sluight dty vreïn.

Noo Luke 1:48

Son t’eh er chur tastey da stayd injil e harvaant: son cur‐my‐ner, maghey shoh nee dy chooilley heeloghe mish y enmys bannit.

Noo Luke 11:26

Eisht t’eh goll as goaill marish shiaght spyrrydyn elley, ny smessey na eh hene, as t’ad goll stiagh as cummal ayns shen: as ta stayd yerrinagh yn dooinney shen ny s’doogh na’n toshiaght.

Noo Luke 23:29

Son cur‐my‐ner, ta ny laghyn cheet, tra jir ad, Bannit ta ny mraane gennish, as ny breinyn nagh ren gymmyrkey, as ny keeaghyn nagh dug bainney.