Noo Luke 10:9 - Yn Conaant Noa 1810

⁹ As slanee‐jee yn sleih chingey t’ayn, as abbyr‐jee roo, Ta reeriaght Yee er jeet er‐gerrey diu.

Yn Vible Casherick 1775 1819

⁹ As slaanee-jee yn sleih chingey t’ayn, as abbyr-jee roo, Ta reeriaght Yee er jeet er-gerrey diu.

Noo Luke 10:9 ပူးပေါင်းရင်းမြစ်များ

Noo Mian 3:2

As gra, Gow‐jee arrys: son ta reeriaght Yee er‐gerrey.

Noo Mian 4:17

Veih yn traa shen ren Yeesey toshiaght dy phreacheil, as dy ghra, Gow‐jee arrys, son ta reeriaght niau er‐gerrey.

Noo Mark 4:30

As dooyrt eh, Cre gys nee mayd reeriaght Yee y hoyllaghey? ny lesh cre’n co‐chaslys nee mayd y hoiaghey magh eh?

Noo Mark 6:13

As deiyr ad magh ymmodee drogh‐spyrrydyn, as d’ooilee ad lesh ooil ymmodee sleih chingey, as ren ad ad y laanaghey.

Noo Luke 10:10

Agh ard‐valley erbee dy jed shiu stiagh ayn, as nagh jean goaill riu, gow‐jee reue magh ayns ny straidyn oc, as abbyr‐jee,

Noo Luke 10:11

Eer joan yn ard‐valley eu, ta lhiantyn hooin, ta shin dy chraa j’in nyn ’oï eu: ny‐yeih, bee‐jee shickyr jeh shoh, dy vel reeriaght Yee er jeet er‐gerrey diu.

Noo Luke 9:2

As hug eh ad magh dy phreacheil reeriaght Yee, as dy laanaghey sleih chingey.

Noo Ean 3:3

Dreggyr Yeesey as dooyrt eh rish, Dy firrinagh firrinagh ta mee gra rhyt, Mannagh bee dooinney er ny ruggey reesht, cha vod eh reeriaght Yee y akin.

Noo Ean 3:5

Dreggyr Yeesey, Dy firrinagh firrinagh ta mee gra rhyt, Mannagh bee dooinney er ny ruggey jeh ushtey as jeh’n spyrryd, cha vod eh goll stiagh ayns reeriaght Yee.

Jannoo 28:28

Lhig da fys y ve euish er‐y‐fa shen, dy vel saulatys Yee er n’eaishtee ad rish.

Jannoo 28:31

Preacheil daue reeriaght Yee as gynsaghey ny reddyn va bentyn rish y Chiarn Yeesey Creest lesh slane dunnallys, as gyn lhiettal erbee.