Noo Luke 10:2 - Yn Conaant Noa 1810

² Shen‐y‐fa dooyrt eh roo, Ta’n fouyr dy jarroo mooar, agh ta ny labreeyn beggan: guee‐jee shiuish er‐y‐fa shen er Chiarn y fouyr, eh dy chur magh labreeyn gys y fouyr echey.

Yn Vible Casherick 1775 1819

² Shen-y-fa dooyrt eh roo, Ta’n fouyr dy jarroo mooar, agh ta ny labreeyn beggan: guee-jee shiuish er-y-fa shen er Chiarn y fouyr, eh dy chur magh labreeyn gys y fouyr echey.

Noo Luke 10:2 ပူးပေါင်းရင်းမြစ်များ

Noo Mian 20:1

Son ta reeriaght niau casley rish dooinney va ny er‐thie, hie magh dy moghey dy ailley labreeyn son e gharey‐feeney.

Noo Mark 13:34

Son ta’n Mac dooinney myr fer va goll er jurnah foddey, as daag e hie, as hug currym er e vooinjer, as da dy chooilley ghooinney e obbyr hene, as doardee eh da’n porter dy reayll arrey.

Noo Mark 16:15

As dooyrt eh roo, Immee‐jee magh trooid ooilley yn seihll, as jean‐jee yn sushtal y phreacheil da dy chooilley chretoor.

Noo Mark 16:20

As hie ad magh, as ren ad preacheil dy chooilley raad, y Chiarn gobbraghey mâroo; as jannoo yn goo breeoil liorish ny mirrillyn va goll lesh. Amen.

Noo Luke 9:1

Eisht deïe eh er y daa ostyl yeig cooidjagh, as hug eh daue pooar as eaghtyrys harrish dy chooilley ghrogh‐spyrryd, as dy lheihys doghanyn.

Jannoo 11:19

Nish va’n vooinjer v’er nyn skeayley magh, kyndagh rish y tranlaase va jeant er coontey Steaon er droailt choud as Phenice, as Cyprus, as Antioch, as cha ren ad yn goo y phreacheil da unnane erbee agh ynrycan da ny Hewnyn.

Jannoo 13:2

As myr v’ad shirveish gys y Chiarn as trostey, dooyrt y Spyrryd Noo, Reih‐jee magh dooys Barnabas as Saul, son yn obbyr huggey ta mee er n’eamagh ad.

Jannoo 13:4

Myr shoh currit magh liorish y Spyrryd Noo jimmee ad gys Seleucia; as veih shen hiauill ad gys Cyprus.

Jannoo 20:28

Cur‐jee twoaie er‐y‐fa shen diu hene, as da ooilley yn chioltane harrystoo ta’n Spyrryd Noo er n’yannoo shiu nyn aspickyn, dy veaghey agglish Yee, t’eh er chionnaghey lesh e uill hene.

Jannoo 22:21

As dooyrt eh rhym, Immee royd: son ver‐ym’s oo er chaghteraght foddey veih shoh gys ny Ashoonee.

Jannoo 8:4

Shen‐y‐fa hie yn vooinjer v’er nyn skeayley magh, trooid ymmodee ardjyn, preacheil y goo.

1 Corinthianee 12:28

As ta Jee er hoiaghey paart ayns yn agglish, hoshiaght ostyllyn, ’sy nah ynnyd phadeyryn, ’sy trass ynnyd fir‐ynsee, lurg shen mirrillyn, eisht giootyn dy lheihys, fir‐choonee, reilltee, caghlaaghyn dy ghlare.

1 Corinthianee 15:10

Agh liorish grayse Yee ta mee ny ta mee: as e ghrayse, va er ny ghiootal orrym, cha row eh ayns fardail; agh ren mee laboragh ny s’doccarree na ad ooilley: ny‐yeih cha nee mish, agh grayse Yee va mârym.

2 Corinthianee 6:1

Ta shinyn eisht, myr firchoo‐nee mârishyn, guee erriuish myrgeddin, nagh jean shiu grayse Yee y ghoaill ayns fardail:

Philippianee 2:21

Son ta ooilley er nyn son hene, cha nee son ny reddyn ta bentyn rish Yeesey Creest.

Philippianee 2:25

Ny‐yeih ghow mee eh dy ve ymmyrchagh dy chur hiuish Epaphroditus, my vraar as co‐labree, as my heshey‐sidoor, agh y chaghter euish, as eh ren shirveish gys my ymmyrch.

Philippianee 2:30

Er‐yn‐oyr son obbyr Chreest ve’h ayns dangeyr baaish, gyn soiaghey jeh e vioys hene dy yannoo magh hym’s shen ny va shiuish er‐gooyl ayns nyn ghiastyllys.

Colossianee 1:29

Son shoh ta mish myrgeddin tooilleil, streeu cordail rish yn obbragh breeoil echeysyn, ta gobbraghey aynym’s dy niartal.

Colossianee 4:12

Ta Epaphras, fer j’iu hene, sharvaant Chreest, dy vannaghey diu, dy kinjagh gleck dy jeean er nyn son eu ayns padjeryn, dy vod shiu shassoo dy shickyr as slane fondagh ayns ooilley aigney Yee.

1 Thessalonianee 2:9

Son ta cooinaghtyn eu, vraaraghyn, er y tooilleil as y deinys ain: son gobbraghey oie as laa, er‐yn‐oyr nagh jinnagh shin currym er veg eu, ren shin sushtal Yee y phreacheil diu.

1 Thessalonianee 5:12

As ta shin guee erriu, vraaraghyn, dy choyrt geill dauesyn ta laboragh nyn mast’ eu, as ta harrystiu ayns y Chiarn, as coyrlaghey shiu;

2 Thessalonianee 3:1

Ny sodjey, vraaraghyn, gow‐jee padjer er nyn son, dy vod goo’n Chiarn roie dyn lhiettal, as ve er ny ghloyraghey dy jarroo myr te nyn mast’ euish;

1 Timothy 4:10

Son er y choontey shen ta shin chammah laboragh, as surranse scammylt, er‐yn‐oyr dy vel shin treishteil ayns y Jee bio, ta ny Haualtagh da dy chooilley ghooinney, erskyn ooilley dauesyn ta credjal.

2 Timothy 4:5

Agh bee uss er dty arrey ayns dy chooilley nhee, bee surransagh fo seaghyn, cooilleen obbyr sushtallagh, cur slane prowal jeh dty oik.

Philemon 1:1

Paul pryssoonagh Yeesey Creest, as Timothy nyn mraar, gys Philemon nyn mraar graihagh, as sheshey‐shirveishagh [ayns y sushtal],

Hebrewnee 3:6

Agh Creest myr Mac harrish e hie hene: yn thie echesyn ta shin, my ta shin cummal shickyr dunnallys as boggey nyn dreishteil gys y jerrey.

Ashlish 2:1

Gys ainle agglish Ephesus, scrieu, Ny reddyn shoh ta eshyn dy ghra ta cummal ny shiaght rollageyn ayns e laue yesh, ta shooyl mastey ny shiaght cainleyryn dy airh;