Noo Luke 1:42 - Yn Conaant Noa 1810

⁴² As loayr ee lesh ard‐choraa as dooyrt ee, Bannit t’ou uss mastey mraane, as bannit ta sluight dty vreïn.

Yn Vible Casherick 1775 1819

⁴² As loayr ee lesh ard-choraa as dooyrt ee, Bannit t’ou uss mastey mraane, as bannit ta sluight dty vreïn.

Noo Luke 1:42 ပူးပေါင်းရင်းမြစ်များ

Noo Luke 1:28

As haink yn ainle stiagh as dooyrt eh r’ee, Dy vannee dhyt’s ta ayns ard‐foayr, ta’n Chiarn mayrt; bannit t’ou uss mastey mraane.

Noo Luke 1:41

As haink eh gy‐kione, tra cheayll Elizabeth bannaghey Moirrey, dy lheim yn oikan ayns e breïn, as va Elizabeth lhieent lesh y Spyrryd Noo.

Noo Luke 1:43

As kys ta’n [ooashley] aym, dy vel moir my Hiarn er jeet dy my yeeaghyn?

Noo Luke 1:48

Son t’eh er chur tastey da stayd injil e harvaant: son cur‐my‐ner, maghey shoh nee dy chooilley heeloghe mish y enmys bannit.

Noo Luke 19:38

Gra, Bannit dy row yn Ree ta cheet ayns ennym y Chiarn: shee ayns niau, as gloyr ayns yn yrjid.

Romanee 9:5

Lhieu va ny ayraghyn, as jeusyn cordail rish yn eill haink Creest, ta harrish ooilley, Jee bannit son dy‐bragh. Amen.

Hebrewnee 12:2

Jeeaghyn gys Yeesey toshiaght as bun nyn gredjue; ren, son yn eunys va soit kiongoyrt rish, surranse y chrosh, soiaghey beg jeh’n nearey, as t’eh er hoie sheese er laue yesh stoyl‐reeoil Yee.