Noo Luke 1:41 - Yn Conaant Noa 1810

⁴¹ As haink eh gy‐kione, tra cheayll Elizabeth bannaghey Moirrey, dy lheim yn oikan ayns e breïn, as va Elizabeth lhieent lesh y Spyrryd Noo.

Yn Vible Casherick 1775 1819

⁴¹ As haink eh gy-kione, tra cheayll Elizabeth bannaghey Moirrey, dy lheim yn oikan ayns e breïn, as va Elizabeth lhieent lesh y Spyrryd Noo.

Noo Luke 1:41 ပူးပေါင်းရင်းမြစ်များ

Noo Luke 1:15

Son bee eh ooasle ayns shilley yn Chiarn, as cha n’iu eh feeyn ny jough lajer, as bee eh er ny lhieeney lesh y Spyrryd Noo, veih eer brein e vayrey.

Noo Luke 1:40

As hie ee stiagh ayns thie Zacharias as vannee ee da Elizabeth.

Noo Luke 1:42

As loayr ee lesh ard‐choraa as dooyrt ee, Bannit t’ou uss mastey mraane, as bannit ta sluight dty vreïn.

Noo Luke 1:44

Son cur‐my‐ner, cha leah as ren coraa dty vannaghey bingys ayns my chleayshyn, lheim yn oikan ayns my vreïn son boggey.

Noo Luke 1:67

As va’n ayr echey Zacharias lhieent lesh y Spyrryd Noo, as ren eh phadeyrys, gra,

Noo Luke 4:1

As va Yeesey lane jeh’n Spyrryd Noo, as hyndaa eh veih Jordan, as v’eh er ny leeideil liorish y spyrryd gys yn aasagh,

Jannoo 2:4

As v’ad ooilley lhieent lesh y Spyrryd Noo, as ren ad toshiaght dy loayrt lesh chengaghyn noa, myr va’n Spyrryd cur bree loayrtys ayndoo.

Jannoo 4:8

Eisht va Peddyr lhieent lesh y Spyrryd Noo, as dooyrt eh roo, Shiuish reiltee yn phobble, as shanstyr Israel,

Jannoo 6:3

Shen‐y‐fa, vraaraghyn, jeeagh‐jee magh ny mast’ eu hene, son shiaght deiney dy ghoo mie, lane jeh’n Spyrryd Noo as jeh creenaght, dooinyn dy choyrt yn currym shoh orroo.

Jannoo 7:55

Agh v’eshyn lane jeh’n Spyrryd Noo, as yeeagh eh seose dy gyere gys niau, as honnick eh gloyr Yee, as Yeesey ny hassoo er laue yesh Yee,

Jannoo 9:17

As jimmee Ananias roish, as hie eh stiagh ayns y thie; as hug eh e laueyn er, as dooyrt eh, Vraar Saul, ta’n Chiarn (eer Yeesey honnick oo er y raad myr haink oo) er my choyrt’s, dy voddagh oo dty hoilshey y gheddyn, as ve lhieent lesh y Spyrryd Noo.

Ephesianee 5:18

As ny bee‐jee er meshtey lesh feeyn, ayn ta neu‐heeltys; agh bee‐jee er nyn lhieeney lesh y Spyrryd;

Ashlish 1:10

Va mee ayns y Spyrryd er laa yn Chiarn, as cheayll mee my chooyl coraa ard, myr jeh cayrn.