Noo Luke 1:35 - Yn Conaant Noa 1810

³⁵ As dreggyr yn ainle as dooyrt eh r’ee, Hig yn Spyrryd Noo neose ort, as bee pooar yn Er‐syrjey er ny skeayley harryd: shen‐y‐fa bee yn sluight chasherick shen ver oo son y theihll, enmyssit Mac Yee.

Yn Vible Casherick 1775 1819

³⁵ As dreggyr yn ainle as dooyrt eh r’ee, Hig yn Spyrryd Noo neose ort, as bee pooar yn Er-syrjey er ny skeayley harryd: shen-y-fa bee yn sluight chasherick shen ver oo son y theihll, enmyssit Mac Yee.

Noo Luke 1:35 ပူးပေါင်းရင်းမြစ်များ

Noo Mian 1:18

Nish shoh myr haink [Yeesey] Creest er y theihll: Erreish da e voir Moirrey ve nasht rish Joseph, roish my daink ad dy vaghey cooidjagh, v’ee ry‐akin dy ve corrym liorish yn Spyrryd Noo.

Noo Mian 1:20

Agh choud as va ny reddyn shoh er e aigney, cur‐my‐ner haink ainle y Chiarn huggey ayns ashlish, gra, Yoseph, vac Ghavid, ny bee aggle ort dy ghoaill hood Moirrey dty ven: son shen t’er ny ghientyn aynjee, te jeh’n Spyrryd Noo.

Noo Mian 14:33

Eisht haink yn cheshaght‐lhuingey, as hug ad ooashley da, gra, Ayns firrinys oo Mac Yee.

Noo Mian 27:54

Nish tra honnick yn captan, as adsyn va mârish freayll arrey er Yeesey, yn craa‐thallooin, as ny reddyn v’er jeet gy‐kione, ghow ad aggle mooar, gra, Dy firrinagh shoh va Mac Yee.

Noo Mian 4:3

As haink y mioleyder huggey, gra, My she mac Yee oo, cur sarey da ny claghyn shoh dy ve jeant nyn arran.

Noo Mark 1:1

Toshiaght sushtal Yeesey Creest, Mac Yee;

Noo Mark 1:24

Gra, Faag voïd shin, cre’n eïe t’ayd orrin, Yeesey dy Nazareth? vel oo er jeet dy nyn stroie? ta fys aym quoi oo hene, eer fer casherick Yee.

Noo Luke 1:27

Gys moidyn nasht rish dooinney enmyssit Joseph, jeh thie Ghavid; as va ennym y voidyn Moirrey.

Noo Luke 1:34

Eisht dooyrt Moirrey rish yn ainle, Kys oddys shoh y ve, fakin nagh nione dou dooinney?

Noo Luke 1:36

As cur‐my‐ner, dty ven‐vooinjerey Elizabeth, t’eeish myrgeddin er ghiennaghtyn mac ayns ny shenn laghyn eck: as shoh yn cheyoo vee jeeish va raait dy ve gennish.

Noo Ean 1:34

As honnick mee eh, as dymmyrk mee feanish, dy nee shoh Mac Yee.

Noo Ean 1:49

Dreggyr Nathanael as dooyrt eh rish, Rabbi, oo mac Yee, oo ree Israel.

Noo Ean 20:31

Agh t’ad shoh scruit, dy voddagh shiuish credjal dy nee Yeesey yn Creest Mac Yee, as liorish credjal shiu dy chosney bea trooid yn ennym echeysyn.

Jannoo 8:36

As myr v’ad goll er y raad, haink ad gys ushtey dy row: as dooyrt yn eunuch, Jeeagh, shoh ushtey; cre ta dy my lhiettal’s dy ve bashtit?

Romanee 1:4

As soilshit dy ve Mac Yee lesh pooar, cordail rish y spyrryd dy chasherickys, liorish yn irree‐seose‐reesht veih ny merriu;

Galatianee 2:20

Ta mee er my chrossey marish Creest: Ny‐yeih ta mee bio; foast cha nee mish, agh Creest ta bio aynym: as y vea ta mee nish dy veaghey ’syn eill, ta mee beaghey liorish credjue Mac Yee, va graih echey orrym, as ren eh‐hene y choyrt er my hon.

Ephesianee 2:3

Ayndoo shoh ren shin ooilley myrgeddin beaghey roish nish, ayns sayntyn ny foalley, cooilleeney yeearreeyn yn eill, as yn aigney: as va shin liorish dooghys nyn gloan dy yymmoose, dy jarroo myr feallagh elley.

Hebrewnee 4:15

Son cha vel ain ard‐saggyrt nagh vel ennaghtyn chymmoil echey jeh nyn annooinidyn; agh v’eh er dy chooilley aght er ny phrowal lesh seaghyn myr ta shin hene, foast fegooish peccah.