Noo Luke 1:32 - Yn Conaant Noa 1810

³² Bee eshyn cronnal as enmyssit Mac yn Er‐syrjey; as ver y Chiarn Jee dasyn stoyl‐reeoil e ayr David.

Yn Vible Casherick 1775 1819

³² Bee eshyn cronnal, as enmyssit Mac yn Er-syrjey; as ver y Chiarn Jee dasyn stoyl-reeoil e ayr David.

Noo Luke 1:32 ပူးပေါင်းရင်းမြစ်များ

Noo Mian 1:1

Lioar sheeloghe Yeesey Creest, mac Ghavid, mac Abraham.

Noo Mian 12:42

Nee ben‐reïn y jiass girree seose ayns briwnys noi yn cheeloghe shoh, as ad y gheyrey: son haink ish veih ardjyn sodjey‐magh y thallooin, dy chlashtyn creenaght Solomon, as cur‐my‐ner ta fer s’ooasle na Solomon ayns shoh.

Noo Mian 28:18

As haink Yeesey, as loayr eh roo, gra, Ta dy chooilley phooar er ny chur dou ayns niau as er y thalloo.

Noo Mian 3:11

Ta mish dy jarroo bashtey shiu lesh ushtey gys arrys: agh t’eshyn ta cheet my‐yeï ny s’pooaral na mish, ny braggyn echey cha vel mee feeu dy ymmyrkey: bashtee eshyn shiu lesh y Spyrryd Noo as lesh aile.

Noo Mark 14:61

Agh v’eh ny host, as cha dug eh ansoor erbee. Reesht dênee yn ard‐saggyrt jeh, as dooyrt eh rish, Nee uss yn Creest, Mac yn Er‐vannit?

Noo Mark 5:7

Agh deïe eh lesh ard‐choraa, as dooyrt eh, Cre’n eïe t’ayd orrym, Yeesey Vac yn Jee smoo ard? ta mee guee ort, ayns ennym Yee gyn oo dy my horchaghey.

Noo Luke 1:15

Son bee eh ooasle ayns shilley yn Chiarn, as cha n’iu eh feeyn ny jough lajer, as bee eh er ny lhieeney lesh y Spyrryd Noo, veih eer brein e vayrey.

Noo Luke 1:35

As dreggyr yn ainle as dooyrt eh r’ee, Hig yn Spyrryd Noo neose ort, as bee pooar yn Er‐syrjey er ny skeayley harryd: shen‐y‐fa bee yn sluight chasherick shen ver oo son y theihll, enmyssit Mac Yee.

Noo Luke 1:76

As bee uss lhiennoo enmyssit phadeyr yn Er‐syrjey; son hed oo roish eddin y Chiarn, dy yannoo aarloo e raaidyn;

Noo Luke 3:16

Dreggyr Ean as dooyrt eh roo ooilley, Ta mish dy jarroo bashtey shiu lesh ushtey; agh ta fer s’pooaral na mish cheet, kiangley ny braagyn echey cha vel mee feeu dy eaysley: nee eshyn shiu y vashtey lesh y Spyrryd Noo, as lesh aile.

Noo Luke 6:35

Agh cur‐jee graih da nyn noidyn, as jean‐jee mie, as eeasee‐jee, fegooish jerkal rish veg y gheddyn reesht: as s’mooar vees nyn leagh! as bee shiu cloan yn Er‐syrjey: son t’eh dooie da’n vooinjer neu‐wooisal as ny mee‐chrauee.

Noo Ean 12:34

Dreggyr y pobble eh, Ta shin er chlashtyn ass y leigh, dy vel Creest tannaghtyn son dy bragh: as kys t’ou uss gra, dy vel y Mac dooinney dy ve troggit seose? quoi yn Mac dooinney shoh?

Noo Ean 6:69

As ta shin credjal, as shickyr jeh dy nee uss yn Creest, Mac y Jee bio.

Jannoo 16:17

Deiyr ee shoh er Paul as orrinyn, gyllagh as gra, Ny deiney shoh sharvaantyn y Jee smoo ard, ta soilshaghey dooin raad y taualtys.

Jannoo 2:30

Shen‐y‐fa myr v’eh ny adeyr as fys echey dy row Jee er ghialdyn lesh breearrey da, jeh sluight e veeghyn, lurg yn dooghys foalley, dy droggagh eh seose Creest dy hoie er y stoyl‐reeoil echeysyn:

Jannoo 2:36

Shen‐y‐fa lhig da ooilley lught‐thie Israel as fys y ve oc ayns shickyrys, dy vel Jee er n’yannoo Yeesey shen ta shiuish er chrossey, chammah Chiarn as Creest.

Jannoo 7:48

Ny‐yeih cha vel y Jee smoo ard cummal ayns chiambyllyn troggit lesh laueyn; myr ta’n phadeyr gra,

Romanee 1:4

As soilshit dy ve Mac Yee lesh pooar, cordail rish y spyrryd dy chasherickys, liorish yn irree‐seose‐reesht veih ny merriu;

Ashlish 3:7

As gys ainle agglish Philadelphia, scrieu, Ny reddyn shoh ta’n fer casherick, yn er firrinagh dy ghra, eshyn ta ogher Ghavid echey, eshyn ta fosley, as cha vel dooinney erbee jeigh; as ta jeigh, as cha vel fer erbee fosley: