Noo Luke 1:20 - Yn Conaant Noa 1810

²⁰ As cur‐my‐ner bee oo balloo, as cha jig dty ghlare lhiat, derrey yn laa vees ny reddyn shoh cooilleenit, er‐y‐fa nagh vel oo er chredjal my ghoan’s vees er nyn gooilleeney ayns nyn imbagh cooie.

Yn Vible Casherick 1775 1819

²⁰ As cur-my-ner bee oo balloo, as cha jig dty ghlare lhiat, derrey yn laa vees ny reddyn shoh cooilleenit, er-y-fa nagh vel oo er chredjal my ghoan’s vees er nyn gooilleeney ayns nyn imbagh cooie.

Noo Luke 1:20 ပူးပေါင်းရင်းမြစ်များ

Noo Mark 16:14

Ny lurg shen hoilshee eh eh‐hene da’n un ostyl yeig, myr v’ad nyn soie ec bee, as hooar eh foill daue son y vee‐credjue as y chreoghys cree oc, er‐yn‐oyr nagh ren ad credjal adsyn v’er vakin eh, erreish da v’er n’irree.

Noo Mark 9:19

Dreggyr eshyn as dooyrt eh, O heeloghe vee‐chredjuagh, caïd ta mish dy ve mêriu? caïd ta mee dy hurranse diu? cur lhiat eh hym’s.

Noo Luke 1:19

As dreggyr yn ainle as dooyrt eh rish, Mish Gabriel ta shirveish fenish Yee; as ta mee er my choyrt dy loayrt rhyt, as dy hoilshaghey dhyt ny naightyn mie shoh.

Noo Luke 1:21

As va’n pobble fieau son Zacharias, as yindys orroo dy row eh cumrail choud ayns y chiamble.

Noo Luke 1:22

As tra haink eh magh, cha voddagh eh loayrt roo; as hoig ad dy row eh er vakin ashlish ayns y chiamble: son v’eh jannoo signyn daue, as hannee eh balloo.

Noo Luke 1:45

As bannit t’eeish ta er chredjal: son bee slane cooilleeney ny reddyn shen v’er ny hoilshaghey jee liorish y Chiarn.

Noo Luke 1:64

As er‐y‐chooyl va e veeal er ny osley, as e hengey er ny eaysley, as loayr eh, as hug eh moylley da Jee.

Romanee 3:3

Son cre mannagh ren paart credjal? jean y mee‐chredjue ocsyn firrinys Yee y choyrt naardey?

2 Timothy 2:13

My ta shin neu‐firrinagh [dasyn], ny‐yeih t’eshyn tannaghtyn firrinagh; cha vod eh eh‐hene y obbal.

Titus 1:2

Ayns treishteil jeh’n vea veayn, ren Jee nagh vod breg y insh, gialdyn roish my row’n seihll er ny chroo;

Hebrewnee 6:18

Liorish daa red gyn‐caghlaa, ayndoo ve neu‐phossible da Jee dy volley, dy voddagh gerjagh niartal ’ve ainyn, ta er roie son kymmyrk dy ghoaill greme er y treishteil soit kiongoyrt rooin:

Ashlish 3:19

Whilleen as ta mee graihagh orroo, ta mee cur oghsan daue, as dy smaghtaghey ad: bee jeean er‐y‐fa shen, as gow‐arrys.