Noo Ean 3:5 - Yn Conaant Noa 1810

⁵ Dreggyr Yeesey, Dy firrinagh firrinagh ta mee gra rhyt, Mannagh bee dooinney er ny ruggey jeh ushtey as jeh’n spyrryd, cha vod eh goll stiagh ayns reeriaght Yee.

Noo Ean 1936

⁵ Dreggyr Yeesey, Dy firrinagh firrinagh ta mee gra rhyt, Mannagh bee dooinney er ny ruggey jeh ushtey as jeh’n spyrryd, cha vod eh goll stiagh ayns reeriaght Yee.

Yn Vible Casherick 1775 1819

⁵ Dreggyr Yeesey, Dy firrinagh firrinagh ta mee gra rhyt, Mannagh bee dooinney er ny ruggey jeh ushtey as jeh’n spyrryd, cha vod eh goll stiagh ayns reeriaght Yee.

Noo Ean 3:5 ပူးပေါင်းရင်းမြစ်များ

Noo Mian 18:3

As dooyrt eh, Dy firrinagh ta mee gra riu, Mannagh jean shiu chyndaa, as cheet dy ve myr cloan veggey, cha jed shiu stiagh ayns reeriaght niau.

Noo Mian 19:24

As reesht ta mee gra riu, Te ny sassey da camell goll trooid croae snaidey, na da dooiney berchagh dy gholl stiagh ayns reeriaght Yee.

Noo Mian 21:31

Quoi jeu shoh ny‐neesht ren aigney e ayrey? Dooyrt adsyn rish, Yn mac shinney. Dooyrt Yeesey roo, Dy firrinagh ta mee gra riu, dy jed ny publicanee as ny drogh‐vraane stiagh ayns reeriaght Yee reue‐ish.

Noo Mian 28:19

Immee‐jee er‐y‐fa shen, as ynsee‐jee dy chooilley ashoon, as bashtee‐jee ad ayns ennym yn Ayr, as y Vac, as y Spyrryd Noo:

Noo Mian 3:11

Ta mish dy jarroo bashtey shiu lesh ushtey gys arrys: agh t’eshyn ta cheet my‐yeï ny s’pooaral na mish, ny braggyn echey cha vel mee feeu dy ymmyrkey: bashtee eshyn shiu lesh y Spyrryd Noo as lesh aile.

Noo Mian 5:20

Son ta mee gra riu, Mannagh bee yn ynrickys euish erskyn ynrickys ny Scrudeyryn as ny Phariseeyn, cha vod shiu er aght erbee goll stiagh ayns reeriaght niau.

Noo Mark 10:14

Agh tra honnick Yeesey eh, v’eh feer jymmoosagh, as dooyrt eh roo, Sur‐jee cloan aegey dy heet hym’s, as ny jean‐jee ad y lhiettal: son jeh nyn lheid ta reeriaght Yee.

Noo Mark 16:16

Bee eshyn ta credjal as ta bashtit, er ny hauail; agh bee eshyn nagh jean credjal er ny gheyrey.

Noo Mark 9:47

As my ta dty hooill dy dty hayrn gys peccah, pluck assyd ee: te ny share dhyt gholl stiagh ayns reeriaght Yee lesh un hooill, na daa hooill y ve ayd, as oo dy ve tilgit ayns aile niurin.

Noo Luke 13:24

Streeu‐jee shiuish dy gholl stiagh er y ghiat coon: son nee ymmodee, ta mee gra riu, shirrey goll stiagh, agh cha jig eh lhieu.

Noo Luke 13:3

Ta mee ginsh diu, Nagh row: agh mannagh gow shiuish arrys, nee shiu ooilley myrgeddin cherraghtyn.

Noo Luke 13:5

Ta mee ginsh diu, Nagh row: agh mannagh gow‐shiuish arrys, nee shiu ooilley myrgeddin cherraghtyn.

Noo Ean 1:13

Va er nyn ruggey, cha nee jeh fuill, ny jeh aigney ny foalley, ny jeh aigney dooinney, agh jeh Jee.

Noo Ean 3:3

Dreggyr Yeesey as dooyrt eh rish, Dy firrinagh firrinagh ta mee gra rhyt, Mannagh bee dooinney er ny ruggey reesht, cha vod eh reeriaght Yee y akin.

Noo Ean 3:4

Dooyrt Nicodemus rish, Kys oddys dooinney v’er ny ruggey tra t’eh shenn? vod eh goll stiagh yn nah cheayrt ayns breïn e vayrey, as cheet er y theihll?

Jannoo 2:38

Eisht dooyrt Peddyr roo, Gow‐jee arrys as bee‐jee er nyn mashtey dy chooilley unnane eu ayns ennym Yeesey Creest, son leih peccaghyn, as yiow shiu gioot y Spyrryd Noo.

Jannoo 3:19

Gow‐jee arrys er‐y‐fa shen, as chyndaa‐jee, dy vod shiu v’er nyn ghlenney veih nyn beccaghyn, dy vod earishyn yn ooraghey cheet erriu veih fenish y Chiarn,

Romanee 14:17

Son cha nee bee ny jough reeriaght Yee, agh cairys, as shee as boggey ayns y Spyrryd Noo.

Romanee 8:2

Son ta leigh Spyrryd y vea, ayns Creest Yeesey, er n’yannoo mee seyr veih leigh peccah as baase.

1 Corinthianee 15:50

Nish shoh ta mee dy ghra, vraaraghyn, nagh vod feill as fuill eiraght y gheddyn ayns reeriaght Yee; chammoo nee neu‐ghlennid gheddyn glennid ayns eiraght.

1 Corinthianee 2:12

Nish ta shinyn er gheddyn, cha nee spyrryd y theihll, agh y Spyrryd ta veih Jee; dy voddagh shin toiggal ny giootyn graysoil ta dy arryltagh er ny choyrt dooin liorish Jee.

1 Corinthianee 6:11

As nyn lheid va paart euish: agh va shiu er nyn niee, agh va shiu er nyn gasherickey, agh va shiu er nyn seyrey ayns ennym y Chiarn Yeesey, as liorish Spyrryd yn Jee ain.

Galatianee 6:15

Son ayns Creest Yeesey, chamoo ta ghiarey‐chymmylt jeh foays erbee, ny an‐ghiarey‐chymmylt, agh cretoor noa.

Ephesianee 5:26

Dy voddagh eh ee y chasherickey as y ghlenney lesh niee dy ushtey, liorish y goo.

1 Peddyr 1:2

Reiht cordail rish tushtey ro‐laue Yee yn Ayr, trooid casherickys y Spyrryd gys biallys, as gys spreih fuill Yeesey Creest: Grayse dy row hiu, as shee dy row er ny vishaghey.

1 Peddyr 3:21

Yn co‐soylaghey jeh shoh, dy jarroo bashtey, ta nish myrgeddin sauail shin, (cha nee liorish cur ersooyl broïd yn eill, agh liorish yn ansoor dy chooinsheanse vie gys Jee,) trooid irree‐seose reesht Yeesey Creest:

1 Ean 2:29

My ta fys eu dy vel eshyn cairagh, ta fys eu dy vel dy chooilley unnane ta cur rish cairys, er ny ruggey jehsyn.

1 Ean 5:1

Quoi‐erbee ta credjal dy nee Yeesey yn Creest, t’eh ruggit jeh Jee: as dy chooilley unnane ta graihagh ersyn ren geddyn, shynney lesh eshyn myrgeddin ta er ny gheddyn liorish.