Noo Ean 3:2 - Yn Conaant Noa 1810

² Haink eh shoh gys Yeesey ayns yn oie, as dooyrt eh rish, Rabbi, ta fys ain dy nee fer‐ynsee oo t’er jeet veih Jee: son cha vod dooinney erbee ny mirrilyn shen y yannoo t’ou uss dy yannoo, mannagh bee Jee mârish.

Noo Ean 1936

² Haink eh shoh gys Yeesey ayns yn oie, as dooyrt eh rish, Rabbi, ta fys ain dy nee fer-ynsee oo t’er jeet veih Jee: son cha vod dooinney erbee ny mirrilyn shen y yannoo t’ou uss dy yannoo, mannagh bee Jee mârish.

Yn Vible Casherick 1775 1819

² Haink eh shoh gys Yeesey ayns yn oie, as dooyrt eh rish, Rabbi, ta fys ain dy nee fer-ynsee oo t’er jeet veih Jee: son cha vod dooinney erbee ny mirrilyn shen y yannoo t’ou uss dy yannoo, mannagh bee Jee mârish.

Noo Ean 3:2 ပူးပေါင်းရင်းမြစ်များ

Noo Mian 22:16

As hug ad magh huggey shiartanse jeusyn v’ad hene er n’ynsaghey marish ny Herodianee, gra, Vainshter, ta fys ain dy vel oo firrinagh, as dy vel oo gynsaghey raad Yee ’syn ynrickys, chamoo t’ou ayns aggle roish dooinney erbee: son cha vel oo soiaghey jeh persoon deiney.

Noo Mian 23:7

As sleih dy vannaghey daue ayns ny margaghyn, as dy ve enmyssit liorish deiney, Rabbi, Rabbi.

Noo Mian 23:8

Agh ny bee‐jee shiuish enmyssit Rabbi: son ta un vainshter eu, ta shen dy ghra, Creest, as ta shiuish ooilley nyn mraaraghyn.

Noo Mark 12:14

As tra v’ad er jeet, dooyrt ad rish, Vainshter, ta fys ain dy vel oo firrinagh, as nagh vel oo ayns imnea roish dooinney erbee; son cha vel oo soiaghey jeh persoon deiney, agh gynsaghey raad Yee ayns firrinys: vel eh lowal keesh y choyrt da Cesar, mannagh vel?

Noo Ean 1:38

Eisht hyndaa Yeesey, as honnick eh ad geiyrt er, as dooyrt eh roo, Cre ta shiu dy hirrey? Dooyrt adsyn rish, Rabbi (ta shen dy ghra, ’sy ghlare ainyn, Vainshter) cre raad t’ou baghey?

Noo Ean 10:38

Agh my ta mee jannoo ad, ga nagh gred shiu mish, cred‐jee ny obbraghyn: dy vod shiu toiggal as credjal, dy vel yn Ayr aynym’s, as mish aynsyn.

Noo Ean 12:37

Agh ga dy ren eh whilleen mirril kiongoyrt roo, foast cha cred ad ayn:

Noo Ean 14:10

Nagh vel oo credjal dy vel mish ayns yn Ayr, as yn Ayr aynym’s? ny goan ta mish dy loayrt riu, cha vel mee loayrt jee’m pene: agh yn Ayr ta tannaghtyn aynym, eshyn ta jannoo ny obbraghyn.

Noo Ean 15:24

Mannagh beign’s er n’yannoo nyn mast’ oc lheid ny obbraghyn as nagh ren rieau dooinney erbee elley, cha beagh peccah er ve oc: agh nish t’ad er vakin as er chur dwoaie chammah dooys as da my Ayr.

Noo Ean 2:11

Yn toshiaght shoh dy virrilyn ren Yeesey ayns Cana dy Ghalilee, as hoilshee eh magh e ghloyr; as ren e ynseydee credjal ayn.

Noo Ean 20:16

Dooyrt Yeesey, Voirrey. Hyndaa ee ee‐hene, as dooyrt ee rish, Rabboni, ta shen dy ghra, Vainshter.

Noo Ean 3:26

As haink ad gys Ean, as dooyrt ad rish, Rabbi, eshyn va mayrt er cheu elley dy Yordan, da ren oo feanish y ymmyrkey, cur‐my‐ner, t’eshyn bashtey, as ta dy chooilley ghooinney cheet huggey.

Noo Ean 4:31

Ayns y traa shen ghuee e ostyllyn er, gra, Vainshter, gow beaghey.

Noo Ean 5:36

Agh ta feanish stroshey aym’s na Ean: son ny obbraghyn hug my Ayr dou dy chooilleeney, ny obbraghyn cheddin ta mee dy yannoo, t’ad gymmyrkey feanish jee’m, dy vel yn Ayr er my choyrt.

Noo Ean 6:2

As deiyr earroo mooar dy leih er, er‐y‐fa dy vaik ad ny mirrilyn ren eh orroosyn va doghanit.

Noo Ean 7:31

As ren ymmodee jeh’n pobble credjal ayn, as dooyrt ad, Tra hig Creest, jean eh ny shlee mirril na ad shoh ta’n dooinney shoh er n’yannoo?

Noo Ean 9:16

Shen‐y‐fa dooyrt paart jeh ny Phariseeyn, Cha vel y dooinney shoh veih Jee, er‐yn‐oyr nagh vel eh freayll yn doonaght. Dooyrt feallagh elley, Kys oddys dooinney ta ny grogh‐yantagh lheid ny mirrilyn y yannoo? As va streeu ny mast’ oc.

Jannoo 10:38

Kys dy ren Jee Yeesey dy Nazareth y ooillaghey lesh y Spyrryd Noo, as lesh pooar; eh hie mygeayrt jannoo mie; as slaanaghey ooilley adsyn va seaghnit liorish y drogh‐spyrryd: son va Jee mârish.

Jannoo 2:22

Gheiney Israel, eaisht‐jee rish ny goan shoh; Yeesey dy Nazareth, dooinney ren Jee soiaghey jeh nyn mast’ eu, liorish mirrilyn, as yindyssyn as cowraghyn, dobbree Jee liorishyn ayns yn enish eu, myr s’mie fys myrgeddin eu hene:

Philippianee 1:14

As ta ymmodee jeh ny braaraghyn ayns y Chiarn, er n’aase dunnal liorish my gheulaghyn’s, foddey s’creeoil dy loayrt yn goo fegooish aggle.