Noo Ean 17:3 - Yn Conaant Noa 1810

³ As shoh yn vea veayn, tushtey y ve oc jeed’s yn ynrycan Jee firrinagh, as jeh Yeesey Creest t’ou uss er choyrt.

Noo Ean 1936

³ As shoh yn vea veayn, tushtey y ve oc jeed’s yn ynrycan Jee firrinagh, as jeh Yeesey Creest t’ou uss er choyrt.

Yn Vible Casherick 1775 1819

³ As shoh yn vea veayn, tushtey y ve oc jeed’s yn ynrycan Jee firrinagh, as jeh Yeesey Creest t’ou uss er choyrt.

Noo Ean 17:3 ပူးပေါင်းရင်းမြစ်များ

Noo Mark 9:37

Quoi‐erbee nee soiaghey jeh unnane dy lheid y chloan shoh, t’eh soiaghey jeem’s: as quoi‐erbee nee soiaghey jeem’s, cha nee jeem’s t’eh soiaghey, agh jehsyn t’er my choyrt.

Noo Luke 9:48

As dooyrt eh roo, Quoi‐erbee nee soiaghey jeh’n lhiannoo shoh ayns m’ennym’s, t’eh jannoo soiaghey jeem’s: as quoi‐erbee nee soiaghey jeem’s, t’eh soiaghey jehsyn t’er my choyrt: son eshyn sloo ta nyn mast’ eu ooilley, eshyn syrjey vees.

Noo Ean 10:36

Vel shiu gra mychionesyn ta’n Ayr er chasherickey, as er choyrt gys y theihll, T’ou loayrt goan‐mollaghtagh; er‐yn‐oyr dy dooyrt mee, She Mac Yee mee?

Noo Ean 11:42

As va fys aym dy vel oo rieau dy my chlashtyn: agh er coontey yn phobble ta mygeayrt‐y‐moom dooyrt mee shoh, dy vod ad credjal dy vel oo er my choyrt.

Noo Ean 14:26

Agh nee Fer‐ny‐gherjagh, ta shen, yn Spyrryd Noo, eh nee yn Ayr y choyrt ayns yn ennym aym’s, gynsaghey diu dy chooilley nhee, as tayrnee eh dy chooilley nhee gys nyn gooinaghtyn, cre‐erbee ta mish er ghra riu.

Noo Ean 17:18

Myr t’ou uss er my choyrt gys y theihll, myr shen ta mish myrgeddin er chur adsyn gys y theihll.

Noo Ean 17:21

Dy vod ad ooilley ve unnane, myr t’ou uss ayr aynym’s, as mish aynyd’s; dy vod adsyn myrgeddin ve unnane ayninyn: dy vod y seihll credjal dy ren oo my choyrt.

Noo Ean 17:23

Mish ayndoosyn, as uss aynym’s, dy vod ad ve jeant slane firrinagh ayns unnaneys, as dy vod fys ve ec y seihll dy vel oo er my choyrt, as dy vel oo er ve graihagh orroosyn, myr t’ou er ve graihagh orrym’s.

Noo Ean 17:25

Ayr chairagh, cha ghow yn seihll tushtey jeed; agh ta tushtey er ve aym’s jeed, as t’ad shoh er hoiggal dy vel oo er my choyrt.

Noo Ean 17:8

Son hug mish dauseyn ny goan hug uss dooys; as t’ad er ghoaill huc hene ad, as er hoiggal ayns shickyrys dy daink mee magh voïds, as t’ad er chredjal dy ren oo my choyrt.

Noo Ean 3:17

Son cha dug Jee e vac gys y theihll, dy gheyrey yn seihll; agh dy voddagh y seihll liorishyn v’er ny hauail.

Noo Ean 3:34

Son t’eshyn ta Jee er choyrt, loayrt goan Yee: son cha nee liorish towse ta Jee cur y Spyrryd da.

Noo Ean 5:44

Kys oddys shiuish credjal ta geddyn ooashley yn derrey yeh veih yn jeh elley, as nagh vel shirrey yn ooashley ta veih Jee ny lomarcan?

Noo Ean 6:57

Myr ta’n Ayr bio er my choyrt’s, as ta mee bio liorish yn Ayr: myr shen neesht vees eshyn ta dy my ee’s, bio liorym.

Noo Ean 7:29

Agh shione dooys eh, son ta mee veih, as t’eh er my choyrt.

Noo Ean 8:19

Eisht dooyrt ad rish, Cre vel dty Ayr? Dreggyr Yeesey, Cha vel enney eu orrym’s, ny er my Ayr: dy beagh enney er ve eu orrym’s, veagh enney er ve eu er my Ayr myrgeddin.

1 Corinthianee 15:34

Dooisht‐jee gys cairys, as ny cur‐jee rish peccah; son ta paart nagh vel tushtey oc dy Yee: ta mee grah shoh gys y nearey eu.

1 Corinthianee 8:4

Mychione gee ny reddyn shen eisht t’er ny hebbal ayns oural gys jallooyn, ta fys ain nagh vel jalloo monney ’sy theihll, as nagh vel Jee erbee elley ayn agh unnane.

2 Corinthianee 4:6

Son ta Jee, doardee yn soilshey dy hoilshean ass y dorraghys, er hoilshean ayns ny creeaghyn ain, dy chur soilshey jeh tushtey dy ghloyr Yee, ayns fenish Yeesey Creest.

Philippianee 3:10

Dy vod enney ’ve aym ersyn, as toiggal pooar yn irree‐seose reesht echey, as yn ayrn t’aym’s ayns e hurranse, dy ve er my yannoo casley rishyn ayns e vaase;

Philippianee 3:8

As dy firrinagh, cha vel mee coontey dy chooilley nhee agh coayl, son y tushtey smoo ooasle jeh Creest Yeesey my Hiarn: er y hon ta mee er hurranse coayl dy chooilley nhee, as cha vel mee soiaghey jeu agh myr eoylley, dy voddym Creest y chosney,

1 Thessalonianee 1:9

Son t’ad hene soilshaghey mychione ain, kys ghow shiu rooin tra haink shin hoshiaght ny mast’ eu, as kys hyndaa shiu gys Jee veih jallooyn, dy hirveish y Jee bio as firrinagh.

2 Thessalonianee 1:8

Ayns aile loshtee cooilleeney kerraghey orroosyn ooilley nagh vel goaill rish Jee, as nagh vel coyrt biallys da sushtal nyn Jiarn Yeesey Creest:

Hebrewnee 3:1

Shen‐y‐fa, vraaraghyn chrauee, paarteeassyn ’syn eam flaunyssagh, cur‐jee tastey mie da Yeesey Creest, ostyl as ard‐saggyrt nyn gredjue:

2 Peddyr 1:2

Grayse as shee dy row er ny vishaghey erriu trooid tushtey dy Yee, as Yeesey nyn Jiarn,

2 Peddyr 1:3

Cordail myr ta e phooar flaunyssagh er choyrt dooin dy chooilley nhee ta bentyn gys bea as craueeaght, trooid y tushtey jehsyn ta er n’eamagh shin gys gloyr as bea spyrrydoil:

2 Peddyr 1:8

Son my ta ny reddyn shoh ayndiu, as bishaghey, ver ad erriu nagh bee shiu liastey ny neu‐vessoil ayns tushtey jeh nyn Jiarn Yeesey Creest.

1 Ean 1:2

(Son va’n vea er ny hoilshaghey, as ta shin er vakin eh, as ta shin gymmyrkey feanish, as soilshaghey diu yn vea veayn shen, va marish yn Ayr, as va er ny hoilshaghey dooin;)

1 Ean 1:3

Shen ny ta shin er vakin as er chlashtyn, ta shin dy hoilshaghey diuish, dy vod shiuish myrgeddin ayrn y ghoaill mârin: as dy jarroo ta’n chommeeys ain marish yn Ayr, as marish e Vac Yeesey Creest.

1 Ean 2:23

Quoi‐erbee ta gobbal y Mac, ta’n fer cheddin gobbal yn Ayr: [agh] eshyn ta goaill‐rish y Mac, t’eh goaill‐rish yn Ayr myrgeddin.

1 Ean 4:6

Ta shinyn veih Jee: eshyn shione da Jee, t’eh geaishtagh rooin; eshyn nagh vel veih Jee, cha vel eh coyrt clashtyn dooin, Liorish shoh ta shin cronnaghey Spyrryd ny firriney veih’n spyrryd dy volteyrys.

1 Ean 5:20

As ta fys ain dy vel Mac Yee er jeet, as er choyrt dooin tushtey, dy vod mayd enney y choyrt ersyn ta firrinagh: as ta shin aynsyn ta firrinagh, dy jarroo ayns e Vac Yeesey Creest. Shoh yn Jee firrinagh, as yn vea dy bragh farraghtyn.