Noo Ean 13:3 - Yn Conaant Noa 1810

³ Va fys ec Yeesey dy row yn Ayr er chur dy chooilley nhee ayns ny laueyn echey, as dy nee veih Jee haink eh, as dy nee gys Jee v’eh goll.

Noo Ean 1936

³ Va fys ec Yeesey dy row yn Ayr er chur dy chooilley nhee ayns ny laueyn echey, as dy nee veih Jee haink eh, as dy nee gys Jee v’eh goll,

Yn Vible Casherick 1775 1819

³ Va fys ec Yeesey dy row yn Ayr er chur dy chooilley nhee ayns ny laueyn echey, as dy nee veih Jee haink eh, as dy nee gys Jee v’eh goll,

Noo Ean 13:3 ပူးပေါင်းရင်းမြစ်များ

Noo Mian 11:27

Ta dy chooilley nhee er ny livrey dooys liorish my Ayr: as cha nhione da dooinney erbee yn Mac, agh yn Ayr: chamoo shione da dooinney erbee yn Ayr, agh y Mac, as eshyn da s’gooidsave lesh yn Mac eh y hoilshaghey.

Noo Mian 28:18

As haink Yeesey, as loayr eh roo, gra, Ta dy chooilley phooar er ny chur dou ayns niau as er y thalloo.

Noo Luke 10:22

Ta dy chooilley nhee er ny livrey dooys liorish my Ayr: as cha vel fys ec unnane erbee quoi yn Mac, agh yn Ayr; ny quoi yn Ayr, agh yn Mac, as eshyn da nee yn Mac eh y hoilshaghey.

Noo Ean 1:18

Cha vel unnane erbee er vakin Jee ec traa erbee; yn ynrican Mac v’er‐ny‐gheddyn, ta ayns oghrish yn Ayr, eshyn t’er hoilshaghey eh.

Noo Ean 13:1

Nish, roish feailley ny Caisht, as fys ec Yeesey, dy row yn oor echey er jeet, tra v’eh dy gholl ass y theihll shoh gys yn Ayr, myr v’eh graihagh er e vooinjer hene, va ayns y theihll, hug eh graih daue gys y jerrey.

Noo Ean 17:2

Myr t’ou er chur da pooar harrish ooilley sheelnaue, dy vod eh yn vea veayn y choyrt da whilleen as t’ou er chur da.

Noo Ean 3:13

As cha vel dooinney erbee er gholl seose gys niau, agh eshyn haink neose veih niau, eer yn Mac dooinney ta ayns niau.

Noo Ean 3:35

Ta’n Ayr graihagh er y Mac, as t’eh er chur dy chooilley nhee fo yn laue echey.

Noo Ean 7:29

Agh shione dooys eh, son ta mee veih, as t’eh er my choyrt.

Noo Ean 7:33

Eisht dooyrt Yeesey roo, Foast tammylt beg ta mish mêriu, as eisht ta mee goll huggeysyn t’er my choyrt.

Noo Ean 8:14

Dreggyr Yeesey as dooyrt eh roo, Ga dy vel mee gymmyrkey feanish jee’m pene, foast ta’n eanish aym firrinagh: son ta fys aym cre‐voish haink mee, as c’raad ta mee goll; agh cha s’euish cre‐voish haink mee, ny c’raad ta mee goll.

Noo Ean 8:42

Dooyrt Yeesey roo, Dy beagh Jee yn Ayr eu, veagh shiu graihagh orrym’s; son hie mee magh, as haink mee veih Jee; as cha daink mee jee’m pene, agh eshyn t’er my choyrt.

Jannoo 2:36

Shen‐y‐fa lhig da ooilley lught‐thie Israel as fys y ve oc ayns shickyrys, dy vel Jee er n’yannoo Yeesey shen ta shiuish er chrossey, chammah Chiarn as Creest.

1 Corinthianee 15:27

Son t’eh er choyrt dy chooilley nhee fo e chassyn. Agh tra t’eh gra dy vel dy chooilley nhee er ny choyrt fosyn, te shickyr dy vel shoh er‐lhimmey jeh Jee hene ren dy chooilley nhee y choyrt fo.

Hebrewnee 1:2

T’eh ayns ny laghyn s’jerree shoh er loayrt rooin liorish e Vac, eh t’eh er phonteil ny eirey er dy chooilley nhee, liorish myrgeddin chroo eh ny seihllyn.