Noo Ean 13:1 - Yn Conaant Noa 1810

¹ Nish, roish feailley ny Caisht, as fys ec Yeesey, dy row yn oor echey er jeet, tra v’eh dy gholl ass y theihll shoh gys yn Ayr, myr v’eh graihagh er e vooinjer hene, va ayns y theihll, hug eh graih daue gys y jerrey.

Noo Ean 1936

¹ Nish, roish feailley ny Caisht, as fys ec Yeesey, dy row yn oor echey er jeet, tra v’eh dy gholl ass y theihll shoh gys yn Ayr, myr v’eh graihagh er e vooinjer hene, va ayns y theihll, hug eh graih daue gys y jerrey.

Yn Vible Casherick 1775 1819

¹ Nish, roish feailley ny Caisht, as fys ec Yeesey, dy row yn oor echey er jeet, tra v’eh dy gholl ass y theihll shoh gys yn Ayr, myr v’eh graihagh er e vooinjer hene, va ayns y theihll, hug eh graih daue gys y jerrey.

Noo Ean 13:1 ပူးပေါင်းရင်းမြစ်များ

Noo Ean 12:23

As dreggyr Yeesey ad, gra, Ta’n oor er jeet, dy vel yn Mac dooinney dy ve er ny ghloyraghey.

1 Ean 4:19

Ta graih ain ersyn, er‐yn‐oyr dy dug eshyn hoshiaght graih dooin.

Noo Ean 13:34

Sarey noa ta mee dy choyrt diu, Shiu dy ve graihagh yn derrey yeh er y jeh elley; myr ta mish er ve graihagh erriuish, dy der shiuish myrgeddin graih yn derrey yeh da’n jeh elley.

Noo Ean 16:28

Haink mee magh veih’n Ayr, as ta mee er jeet gys y theihll: reesht, ta mee faagail y seihll, as goll roym gys yn Ayr.

Noo Ean 13:3

Va fys ec Yeesey dy row yn Ayr er chur dy chooilley nhee ayns ny laueyn echey, as dy nee veih Jee haink eh, as dy nee gys Jee v’eh goll.

Noo Ean 18:4

Va fys ec Yeesey er‐y‐fa shen er dy chooilley nhee harragh er, as hie eh magh, as dooyrt eh roo, Quoi ta shiu dy hirrey?

1 Corinthianee 1:8

Nee myrgeddin shiuish y niartaghey gys y jerrey, dy vod shiu ve gyn loght ayns laa nyn Jiarn Creest.

Noo Ean 17:16

Cha vel adsyn jeh’n theihll, myr nagh vel mish jeh’n theihll.

Noo Ean 17:1

Ny goan shoh loayr Yeesey; as hrog eh seose e hooillyn gys niau, as dooyrt eh, Ayr, ta’n oor er jeet; jean dty Vac y ghloyraghey, dy vod dty Vac myrgeddin uss y ghloyraghey.

Ashlish 1:5

As veih Yeesey Creest, yn feanish firrinagh, as y chied‐er‐ny‐ruggey veih ny merriu, as prince reeaghyn y thallooin: Huggeysyn va graihagh orrin, as ren shinyn y niee veih nyn beccaghyn ayns yn uill echey hene.

Hebrewnee 3:14

Son ta cairys ain ayns Creest, my ta shin cummal undin nyn marrantys ersyn shickyr gys y jerrey;

Noo Ean 17:5

As nish, O Ayr, jean mish y ghloyraghey mayrt hene, lesh y ghloyr v’aym mayrt roish my row seihll ayn.

Noo Mian 26:45

Eisht haink eh gys e ostyllyn, as dooyrt eh roo, Caddil‐jee nish, as gow‐jee nyn vea; cur‐my‐ner ta’n oor tayrn er‐gerrey, as ta’n Mac dooinney er ny vrah gys laueyn peccee.

1 Peddyr 1:13

Shen‐y‐fa kiartee‐jee seose meeghyn nyn aigney, bee‐jee sheelt, as treisht‐jee gys y jerrey, son y ghrayse vees er ny choyrt diu tra vees Yeesey Creest er ny hoilshaghey;

Hebrewnee 6:11

As ta shin geearree dy jean dagh unnane eu soilshagey yn imnea cheddin, son y slane shickyrys dy hreishteil gys y jerrey:

Hebrewnee 3:6

Agh Creest myr Mac harrish e hie hene: yn thie echesyn ta shin, my ta shin cummal shickyr dunnallys as boggey nyn dreishteil gys y jerrey.

Romanee 8:37

Agh ta shin er n’gheddyn ny smoo na’n varriaght ayns ooilley ny reddyn shoh, ny hrooidsyn hug graih dooin.

Noo Ean 17:26

As ta mee er hoilshaghey daue dt’ennym’s, as nee’m y hoilshaghey eh: dy vod y graih, liorish t’ou er ve graihagh orrym’s, ve ayndoo, as mish ayndoosyn.

Noo Ean 14:28

Ta shiu er chlashtyn kys dooyrt mee riu, Ta mee goll roym, as cheet reesht hiu. Dy beagh shiu graihagh orrym, ghoghe shiu boggey, er‐y‐fa dy dooyrt mee, Ta mee goll roym gys my Ayr: son ta my Ayr ny syrjey na mish.

Noo Ean 11:55

As va caisht ny Hewnyn tayrn er‐gerrey: as va ymmodee ass y cheer goll seose gys Jerusalem roish y chaisht dy ghlenney ad hene er y hon.

Noo Ean 7:30

Eisht v’ad shirrey y ghoaill eh: agh cha dug dooinney erbee laue er, son nagh row yn oor echey foast er jeet.

Noo Ean 7:6

Eisht dooyrt Yeesey roo, Cha vel my hraa’s foast er jeet: agh ta’n traa euish dy kinjagh jesh diu.

Noo Ean 6:4

As va’n Chaisht, feailley ny Hewnyn er‐gerrey.

Noo Luke 22:53

Tra va mee mêriu gagh laa ayns y chiamble, cha heeyn shiu magh laue m’oï: agh shoh yn oor eu, as pooar y dorraghys.

Noo Luke 9:51

As haink eh gy‐kione, myr va’n traa tayrn er‐gerrey dasyn dy ve goit seose, dy row eh dy shickyr kiarit er soiaghey e eddin dy gholl gys Jerusalem.

Noo Mian 28:20

Gynsaghey daue dy reayll dy chooilley nhee cre‐erbee ta mish er chur ayns sarey diu: as cur‐my‐ner, ta mish mêriu kinjagh, eer gys jerrey yn theihll. Amen.

Noo Ean 8:20

Ny goan shoh loayr Yeesey ’sy room tashtee, myr ve’h gynsaghey ayns y chiamble: as cha dug dooinney erbee laue er, son cha row yn oor echey foast er jeet.

Noo Ean 2:13

As va Caisht ny Hewnyn er‐gerrey, as hie Yeesey seose gys Jerusalem.

Noo Ean 13:29

Son heill paart, er‐yn‐oyr dy nee ec Yuaase va’n sporran, dy row Yeesey er ghra rish, Kionnee ny vees mayd feme cour y feailley: ny eh dy chur jeirk da ny boghtyn.

Noo Ean 14:31

Agh dy vod fys y ve ec y theihll dy vel mish graihagh er yn Ayr; as myr hug yn Ayr sarey dou, myr shen ta mee jannoo. Trog‐jee erriu, lhig dooin goll roïn.

Noo Ean 19:28

Ny lurg shoh, son dy row fys ec Yeesey dy row dy chooilley nhee nish cooilleenit, dy voddagh y scriptyr ve jeant mie, dooyrt eh, Ta mee paagh.