Jude 1:7 - Yn Conaant Noa 1810

⁷ Dy jarroo myr ta Sodom as Gomorrha as ny ard‐valjyn mygeayrt y moo, ren er yn aght cheddin ad hene y choyrt seose gys maarderys, as geiyrt er feill neu‐ghooghyssagh, er nyn soiaghey magh son sampleyr, surranse kerraghey dowil yn aile dy bragh farraghtyn.

Yn Vible Casherick 1775 1819

⁷ Dy jarroo myr ta Sodom as Gomorrha as ny ard-valjyn mygeayrt-y-moo, ren er yn aght cheddin ad-hene y choyrt seose gys maarderys, as geiyrt er feill neu-ghooghyssagh, er nyn soiaghey magh son sampleyr, surranse kerraghey dewil yn aile dy bragh farraghtyn.

Jude 1:7 ပူးပေါင်းရင်းမြစ်များ

Noo Mian 10:15

Dy firrinagh ta mee gra riu, Dy bee eh ny sassey da cheer Sodom as Gomorrah, ec laa ny briwnys na da’n ard‐valley shen.

Noo Mian 11:24

Agh ta mee gra riu, dy bee kerraghey sassey er ny choyrt er thalloo Sodom ec laa ny briwnys, na vees ort’s.

Noo Mian 25:41

Eisht jir eh roosyn myrgeddin er y laue chiare, Immee‐jee voym, chloan churstey gys yn aile dy bragh farraghtyn, kiarit son y drogh‐spyrryd as e ainleyn.

Noo Luke 17:29

Agh er yn eer laa hie Lot magh ass Sodom, gheayrt neose orroo aile as brimstone veih niau, as ren eh ad ooilley y stroie:

1 Corinthianee 6:9

Nagh vel fys eu nagh vow ny mee‐chrauee eiraght ayns reeriaght Yee? Ny bee‐jee mollit: chamoo yiow maarderee, ny adsyn ta cur ooashley da jallooyn, ny adsyn ta brishey‐poosey, ny ny soailtee, ny adsyn ta cur rish peccah noi dooghys,

2 Thessalonianee 1:7

As diuish ta seaghnit, fea mârin, traa vees y Chiarn Yeesey er ny hoilshaghey veih niau marish e ainleyn niartal.

2 Thessalonianee 1:8

Ayns aile loshtee cooilleeney kerraghey orroosyn ooilley nagh vel goaill rish Jee, as nagh vel coyrt biallys da sushtal nyn Jiarn Yeesey Creest:

2 Peddyr 2:2

As eiyree ymmoodee da ny raaidyn mollaghtagh oc, kyndagh roosyn bee raad yn irriney er ny oltooaney.

2 Peddyr 2:6

As lostey gys leoie ard‐valjyn Sodom as Gomorrha, ren eh ad y gheyrey gys toyrt‐mow bollagh, jannoo sampleyr jeu dauesyn yinnagh ny lurg shen beaghey dy mee‐chrauee;

2 Peddyr 3:7

Agh ta ny niaughyn as yn thalloo t’ayn nish, liorish y goo cheddin freilt ayns stoyr, kiarit son yn aile ry‐hoi laa ny briwnys, as toyrt‐mow deiney mee‐chrauee.