Jude 1:4 - Yn Conaant Noa 1810

⁴ Son ta shiartanse dy gheiney dy steetagh er hayrtyn stiagh, nyn gour va’n vriwnys shoh roïe er ny oardaghey; deiney mee‐chrauee, chyndaa grayse yn Jee ain gys rouanys, as gobbal yn ynrycan Chiarn Jee, as nyn Jiarn Yeesey Creest.

Yn Vible Casherick 1775 1819

⁴ Son ta shiartanse dy gheiney dy steetagh er hayrtyn stiagh, nyn gour va’n vriwnys shoh roïe er ny oardaghey; deiney mee-chrauee, chyndaa grayse yn Jee ain gys rouanys, as gobbal yn ynrycan Chiarn Jee, as nyn Jiarn Yeesey Creest.

Jude 1:4 ပူးပေါင်းရင်းမြစ်များ

Noo Mian 13:25

Agh choud as va sleih nyn gadley, haink e noid, as chuirr eh coggyl mastey yn churnaght, as jimmee eh roish.

Noo Ean 17:3

As shoh yn vea veayn, tushtey y ve oc jeed’s yn ynrycan Jee firrinagh, as jeh Yeesey Creest t’ou uss er choyrt.

Jannoo 11:23

As tra v’eh er jeet as er vakin grayse Yee, ghow eh boggey, as choyrlee eh ad ooilley, lesh slane cree ad dy lhiantyn gys y Chiarn.

Jannoo 15:24

Son wheesh as dy vel shin er chlashtyn, dy vel shiartanse hie magh voïnyn er voirey shiu lesh goan, cur shaghrynys er nyn anmeenyn, as gra, dy nhegin diu v’er nyn ghiarey‐chymmylt, as y leigh y reayll; daue cha dug shinyn lheid y sarey:

Galatianee 2:4

As shen kindagh rish braaraghyn foalsey v’er nyn goyrt lhieu gyn‐yss ny vud ain, haink stiagh dy croutagh dy chronnaghey yn reamys t’ain ayns Creest Yeesey, dy voddagh ad shin y choyrt lhieu fo bondiaght:

Galatianee 5:13

Son ta shiuish, vraaraghyn, er ve er nyn eam gys reamys [Creestee]; agh ny jean‐jee yn reamys shoh leshtal son yn eill, agh ayns graih shirveish‐jee yn derrey yeh yn jeh elley.

Ephesianee 4:14

Nagh bee mayd maghey shoh nyn gloan lheaystey noon as noal, as eiyrit mygeayrt lesh dy chooilley gheay dy ynsagh, liorish kialgyn deiney, as ny croutyn cliucagh, lhieu t’ad lhie cooyl‐chlea er‐chee dy volley:

1 Timothy 5:8

Agh mannagh vel fer erbee kiarail cour e vooinjer hene, as erskyn ooilley ny chour ocsyn ta jeh’n lught‐thie echey hene, t’eh er n’obbal y credjue, as t’eh ny smessey na an‐chreestee.

2 Timothy 2:12

My ta shin surranse, nee mayd myrgeddin reill mârish: my ta shin dy obbal eh, nee eshyn myrgeddin shinyn y obbal.

2 Timothy 3:6

Son jeh’n sorch shoh t’adsyn ta dy steetagh goll stiagh ayns thieyn, as leeideil ayns cappeeys mraane eddrym laadit lesh peccaghyn, er nyn goyrt lhieu ersooyl lesh ymmodee yeearreeyn peccoil,

1 Peddyr 2:16

Myr adsyn ta seyr, fegooish jannoo ymmyd jeh’n seyrsnys eu son coodaghey dy olkys; agh myr sharvaantyn Yee.

1 Peddyr 2:8

As clagh son snapperal, as creg son tuittym er, dy jarroo dauesyn ta snapperal ec y goo, myr t’ad mee‐viallagh, gys shen v’ad myrgeddin er nyn bointeil.

1 Peddyr 4:18

As my s’lioar da’n dooinney cairal v’er ny hauail, c’raad hed yn mee‐chrauee as y drogh‐yantagh?

2 Peddyr 2:10

As erskyn ooilley adsyn ta gimmeeaght lurg yn eill, ’sy taynt dy neu‐ghlennid, as soiaghey beg jeh reiltys: daaney t’ad creoi‐wannallagh, cha vel aggle orroo dy loayrt dy olk jeh ny pooaraghyn syrjey:

2 Peddyr 2:7

As livrey eh Lot yn dooinney cairagh, seaghnit lesh ymmyrkey‐bea feohdagh ny mee‐chrauee:

2 Peddyr 3:7

Agh ta ny niaughyn as yn thalloo t’ayn nish, liorish y goo cheddin freilt ayns stoyr, kiarit son yn aile ry‐hoi laa ny briwnys, as toyrt‐mow deiney mee‐chrauee.

1 Ean 2:22

Quoi yn breagerey, agh eshyn ta gobbal dy nee Yeesey yn Creest? Eshyn ta ny an‐chreestee, ta gobbal yn Ayr as y Mac.

Jude 1:15

Dy chooilleeney briwnys orroo ooilley, as dy gheyrey ooilley ny mee‐chrauee ny vud oc, son ooilley nyn obbraghyn mee‐chrauee, t’ad dy mee‐chrauee er n’yannoo, as son ooilley ny goan lûnagh ta peccee mee‐chrauee er loayrt n’oï.

Jude 1:18

Kys dinsh ad diu, dy beagh craidoilee ayns ny laghyn s’jerree, yinnagh gimmeeaght lurg ny yeearreeyn mee‐chrauee oc hene.

Ashlish 15:4

Quoi eh nagh gow aggle royd, O Hiarn, as nagh jean dty ennym y ghloyraghey? son uss dty lomarcan ta casherick: son hig dy chooilley ashoon as ver ad ooashley kiongoyrt rhyt; son ta dty vriwnyssyn er ny hoilshaghey.