Jude 1:3 - Yn Conaant Noa 1810

³ Chaarjyn, tra va mish ayns lane imnea dy scrieu hiuish mychione y taualtys cadjin, ve ymmyrchagh dooys dy scrieu hiu, as dy choyrlaghey shiu dy jeean dy hassoo seose son y chredjue va un cheayrt er ny livrey da ny nooghyn.

Yn Vible Casherick 1775 1819

³ Chaarjyn, tra va mish ayns lane imnea dy scrieu hiuish mychione y taualtys cadjin, ve ymmyrchagh dooys dy scrieu hiu, as dy choyrlaghey shiu dy jeean dy hassoo seose son y chredjue va un cheayrt er ny livrey da ny nooghyn.

Jude 1:3 ပူးပေါင်းရင်းမြစ်များ

Jannoo 17:3

Soilshaghey as prowal dy beign da Creest v’er hurranse, as er n’irree veih ny merriu: as dy nee Yeesey shoh ta mish dy phreacheil diu, yn Creest.

Jannoo 18:28

Son hug eh slane prowal da ny Hewnyn, as shen dy foshlit, soilshaghey liorish ny scriptyryn, dy nee Yeesey va’n Creest.

Jannoo 20:27

Son cha vel mee er haghney dy hoilshaghey diu slane coyrle Yee.

Jannoo 28:28

Lhig da fys y ve euish er‐y‐fa shen, dy vel saulatys Yee er n’eaishtee ad rish.

Jannoo 4:12

Chamoo ta saualtys ayns fer erbee elley: son cha vel ennym erbee elley fo niau er ny choyrt mastey deiney liorish oddys mayd saualtys y chosney.

Jannoo 6:7

As ren goo Yee bishaghey: as daase earroo ny credjuee ny smoo as ny smoo ayns Jerusalem; as haink sheshaght vooar jeh ny saggyrtyn dy ve biallagh gys y chredjue.

Jannoo 9:13

Eisht dreggyr Ananias, Hiarn, ta mee er chlashtyn veih fer ny ghaa jeh’n dooinney shoh, dy mooar yn aggair t’eh er n’yannoo da dty nooghyn’s ec Jerusalem.

Jannoo 9:22

Agh daase Saul ny s’dunnal‐lee dy chooilley laa, as hug eh nyn dhost ny Hewnyn va cummal ec Damascus, prowal dy nee shoh yn eer Creest firrinagh.

1 Corinthianee 15:3

Son livrey mee diu hoshiaght ooilley, shen ny hooar mee hene myrgeddin, kys dy dooar Creest baase son nyn beccaghyn cordail rish ny scriptyryn:

Galatianee 2:5

Agh daue shoh cha dug shin raad choud as un oor dy ve foue; dy voddagh firrinys y tushtal tannaghtyn mêriu.

Galatianee 3:28

Cha vel ny sodjey Hew ny Greek, cha vel sharvaant ny seyr, cha vel fyrrynagh ny bwoirrynagh: son ta shiu ooilley unnane ayns Creest Yeesey.

Galatianee 6:11

Ta shiu fakin cre’n screeuyn liauyr ta mee er scrieu hiuish lesh my laue hene.

Ephesianee 1:1

Paul ny ostyl dy Yeesey Creest, liorish aigney Yee, gys ny nooghyn t’ayns Ephesus, as hucsyn ta credjal ayns Creest Yeesey:

Philippianee 1:1

Paul as Timotheus sharvaantyn Yeesey Creest, gys ooilley ny nooghyn ayns Creest Yeesey, ta ec Philippi, marish ny aspickyn as shirveishee:

Philippianee 1:27

Erskyn ooilley, lhig da’n ymmyrkey‐bea eu ve cordail rish sushtal Chreest: myr shen edyr mee dy heet dy yeeaghyn shiu, ny gyn cheet, dy voddym clashtyn jeh nyn stayd, dy vel shiu shassoo shickyr ayns un Spyrryd, lesh un aigney streeu cooidjah son credjue yn tushtal;

Colossianee 1:2

Gys ny nooghyn as braaraghyn firrinagh ayns Creest, ta ec Colosse: Grayse dy row hiu, as shee veih Jee nyn Ayr, as y Chiarn Yeesey Creest.

1 Thessalonianee 2:2

Agh dy jarroo lurg dooin ve roïe er hurranse, as er gheddyn dellal scammyltagh, myr ta fys eu, ec Philippi, va shin dunnal ayns y Jee ain, dy phreacheil diu sushtal Yee lesh lane streeu.

1 Timothy 1:18

Yn currym shoh ta mee dy hreishteil hood, vac Timothy, cordail rish y phadeyrys va jeant ro‐laue my‐dty‐chione, dy vod oo liorish shen prowal oo hene dty hidoor mie,

1 Timothy 6:12

Bee dty hidoor dunnal son y chredjue, gow greme er y vea veayn, gys shen t’ou myrgeddin er dty eam, as er n’ghoaill rish credjue mie kiongoyrt rish ymmodee feanishyn.

2 Timothy 1:13

Cumm shickyr bun ny goan slayntoil, t’ou er chlashtyn voym’s, ayns credjue as graih ta ayns Creest Yeesey.

Titus 1:4

Gys Titus my Vac hene lurg y chredjue cadjin: Grayse myghin, as shee voish Jee nyn Ayr, as y Chiarn Yeesey Creest nyn Saualtagh.

Hebrewnee 13:22

As ta mee guee erriu, vraaraghyn, gow‐jee rish y goo dy choyrle, son ta mee er scrieu hiu ayns focklyn giarey.

Hebrewnee 6:9

Agh chaarjyn, ta shin smooinaghtyn ny share jiuish, as reddyn ta bentyn gys saualtys, ga ta shin loayrt myr shoh.

1 Peddyr 5:12

Liorish Sylvanus braar firrinagh diuish (myr ta mee dy ghoaill eh) ta mee er scrieu ayns focklyn giarey, coyrlaghey as gymmyrkey feanish, dy nee shoh grayse firrinagh Yee ayn ta shiu shassoo.

2 Peddyr 1:1

Simon Peddyr, sharvaant as ostyl Yeesey Creest, dauesyn ta er n’gheddyn yn credjue ooasle cheddin rooinyn, trooid ynrickys Yee, as nyn Saualtagh Yeesey Creest:

2 Peddyr 2:21

Son ny baare veagh eh daue gyn tushtey er ve oc jeh raad yn ynrickys, na lurg daue v’er doiggal eh, dy hyndaa veih yn anney casherick hie er livrey daue.

Jude 1:1

Jude sharvaant Yeesey Creest, as braar Yamys, hucsyn ta er nyn gasherickey liorish Jee yn Ayr, as er nyn goadey ayns Yeesey Creest, as er nyn eam:

Jude 1:17

Agh, chaarjyn, cooinee‐jee er ny goan va roïe loayrit liorish ostyllyn nyn Jiarn Yeesey Creest:

Jude 1:20

Agh shiuish, chaarjyn, troggal shiu hene er [undin] nyn gredjue smoo casherick, goaill padjer ayns y Spyrryd Noo,

Ashlish 12:11

As hooar ad barriaght er liorish fuill yn Eayn, as liorish goo nyn veanish; as cha row scansh oc jeh nyn mioys dy jarroo gys y vaase.

Ashlish 2:10

Ny gow aggle roish veg jeh ny reddyn shen nee oo surranse: cur‐my‐ner, nee yn drogh‐spyrryd paart eu y hilgey ayns pryssoon, dy vod shiu v’er nyn browal; as bee shiu fo tranlaase jeih laa: bee uss firrinagh gys y vaase, as ver‐yms dhyt attey dy vea.