Jude 1:16 - Yn Conaant Noa 1810

¹⁶ Ta’d shoh sleih ta tallagh, plaiyntee gyn oyr, gimmeeaght lurg nyn yeearreeyn hene; as ta’n beeal oc loayrt focklyn mooarey dy ardail, brynneragh rish persoonyn deiney er graih cosney.

Yn Vible Casherick 1775 1819

¹⁶ T’ad shoh sleih ta tallagh, plaiyntee gyn oyr, gimmeeaght lurg nyn yeearreeyn hene; as ta’n beeal oc loayrt focklyn mooarey dy ardail, brynneragh rish persoonyn deiney er graih cosney.

Jude 1:16 ပူးပေါင်းရင်းမြစ်များ

Noo Luke 15:2

As ren ny Phariseeyn as ny scrudeyryn tallagh, gra, Ta’n dooinney shoh goaill rish peccee, as gee mâroo.

Noo Luke 19:7

As tra honnick ad shoh, v’ad ooilley jymmoosagh, gra, Dy row eh er gholl stiagh dy ee as dy iu marish dooinney dy ghrogh vea.

Noo Luke 5:30

Agh va ny scrudeyryn oc as ny Phariseeyn jymmoosagh rish e ynseydee, gra, Cre’n‐fa ta shiu gee as giu marish publicanee as peccee?

Noo Ean 6:41

Eisht va ny Hewnyn jymmoosagh rish, er‐y‐fa dy dooyrt eh, Mish arran y vea haink neose veih niau.

Noo Ean 6:61

Tra va fys ec Yeesey ayn hene dy row e eiyrtee jymmoosagh son shoh, dooyrt eh roo, Vel shoh cheet ayns raad y chredjue eu?

1 Corinthianee 10:10

Chamoo jean shiuish tallagh, myr ren paart jeusyn neesht tallagh, as v’ad er nyn stroie liorish y stroieder.

Galatianee 5:16

Shoh ta mee gra eisht, Ymmyrk‐jee shiu hene lurg y Spyrryd, as cha jean shiu cooilleeney sayntyn ny foalley.

Galatianee 5:24

As adsyn ta lesh Creest, ta’d er chrossey yn eill, marish ny yeearreeyn as ny sayntyn.

Philippianee 2:14

Jean‐jee dy chooilley nhee fegooish jymmoose as argane:

1 Thessalonianee 4:5

Cha nee ayns mian saynt ny foalley, goll‐rish eer ny Ashoonyn‐quaagh nagh vel tushtey oc dy Yee;

1 Timothy 6:5

Pleadeilyn camlâgagh deiney dy aignaghyn neu‐ghlen, as follym jeh’n irriney, jeeaghyn er cosney dy ve craueeaght: veih nyn lheid jean oo hene y scarrey.

2 Timothy 4:3

Son hig y traa nagh nuillee ad ynsagh slayntoil; agh lesh cleayshyn miandagh, lurg nyn yeearreeyn hene, tayrnee ad huc hene ymmodee fir‐ynsee:

1 Peddyr 1:14

Myr cloan biallagh, cha nee cummey shiu hene cordail rish ny shenn chliaghtaghyn, ayns y vee‐hushtey eu:

1 Peddyr 2:11

Chaarjyn ghraihagh, ta mee guee erriu myr joarreeyn as troailtee dy reayll shiu hene veih sayntyn ny foalley, ta caggey noi yn annym;

1 Peddyr 4:2

Nagh jinnagh eh ny sodjey ceau yn chooid elley jeh e hraa ayns yn eill, lurg sayntyn deiney, agh lurg aigney Yee.

2 Peddyr 2:10

As erskyn ooilley adsyn ta gimmeeaght lurg yn eill, ’sy taynt dy neu‐ghlennid, as soiaghey beg jeh reiltys: daaney t’ad creoi‐wannallagh, cha vel aggle orroo dy loayrt dy olk jeh ny pooaraghyn syrjey:

2 Peddyr 2:18

Son tra t’ad fockley magh goan mooarey follym, sheidit seose lesh fardail, t’ad cleayney trooid sayntyn ny foalley, liorish mooarane rouanys, adsyn va dy glen er scapail vouesyn ta beaghey ayns shaghrynys:

2 Peddyr 3:3

Toiggal shoh hoshiaght, dy jig ayns ny laghyn s’jerree craidoilee, gimmeeaght lurg ny sayntyn oc hene,

Jude 1:15

Dy chooilleeney briwnys orroo ooilley, as dy gheyrey ooilley ny mee‐chrauee ny vud oc, son ooilley nyn obbraghyn mee‐chrauee, t’ad dy mee‐chrauee er n’yannoo, as son ooilley ny goan lûnagh ta peccee mee‐chrauee er loayrt n’oï.

Jude 1:18

Kys dinsh ad diu, dy beagh craidoilee ayns ny laghyn s’jerree, yinnagh gimmeeaght lurg ny yeearreeyn mee‐chrauee oc hene.