Jude 1:14 - Yn Conaant Noa 1810

¹⁴ As ren Enoch myrgeddin, yn chiaghtoo jeh kynney Adam phadeyrys mychione oc shoh, gra, Cur‐my‐ner ta’n Chiarn cheet lesh jeih thousaneyn jeh e nooghyn, casherick,

Yn Vible Casherick 1775 1819

¹⁴ As ren Enoch myrgeddin, yn chiaghtoo jeh kynney Adam phadeyrys mychione oc shoh, gra, Cur-my-ner ta’n Chiarn cheet lesh jeih thousaneyn jeh e nooghyn casherick,

Jude 1:14 ပူးပေါင်းရင်းမြစ်များ

Noo Mian 16:27

Son hig Mac y dooinney ayns gloyr e Ayrey, as e ainleyn casherick mârish: as ec y traa shen cooilleenee eh da dy chooilley ghooinney cordail rish e obbraghyn.

Noo Mian 25:31

Tra hig Mac y dooinney ayns e ghloyr, as ooilley e ainleyn casherick mârish shen y traa hoie‐ys eh er stoyl‐reeoil e ghloyr.

1 Thessalonianee 3:13

Gys y jerrey dy vod eh niartaghey ny creeaghyn eu gyn‐loght ayns casherickys kionfenish Jee, dy jarroo nyn Ayr, ec cheet nyn Jiarn Yeesey Creest, marish ooilley e nooghyn.

Hebrewnee 12:22

Agh ta shiuish er jeet gys cronk Sion, as gys ard‐valley yn Jee bio, yn Jerusalem flaunyssagh, as gys sheshaght erskyn earroo dy ainleyn,

Ashlish 1:7

Cur‐my‐ner, t’eh cheet lesh bodjallyn; as hee dy chooilley hooill eh, as adsyn myrgeddin ren eh y hoylley: as nee ooilley kynneeyn y thallooin dobberan kyndagh rish: myr shen dy row, Amen.

Ashlish 5:11

As yeeagh mee, as cheayll mee coraa ymmodee ainleyn mygeayrt y stoyl‐reeoil, as ny cretooryn, as ny shanstyryn: as va’n earroo oc jeih thousane keayrt jeih thousaneyn, as thousaneyn dy housaneyn;