Jude 1:12 - Yn Conaant Noa 1810

¹² T’ad shoh spuitt ayns nyn guirraghyn dy ghraih, tra t’ad ec gien mêriu, lhieeney ad hene fegooish aggle: bodjallyn t’ad gyn ushtey, eebrit lesh y gheay; biljyn ta’n blaa oc fioghey, fegooish mess, keayrt as keayrt er n’gholl naardey, astyrit ass ny fraueyn;

Yn Vible Casherick 1775 1819

¹² T’ad shoh spuitt ayns nyn guirraghyn dy ghraih, tra t’ad ec gien mêriu, lhieeney ad-hene fegooish aggle: bodjallyn t’ad gyn ushtey, eebrit lesh y gheay; biljyn ta’n blaa oc fioghey, fegooish mess, keayrt as keayrt er n’gholl naardey, astyrit ass ny fraueyn;

Jude 1:12 ပူးပေါင်းရင်းမြစ်များ

Noo Mian 13:6

As tra ghow yn ghrian niart, ve fiojit; as er‐yn‐oyr nagh row eh er n’ghoaill fraue, ren eh shymley ersooyl.

Noo Mian 15:13

Agh dreggyr eshyn, as dooyrt eh, Bee dy chooilley villey, nagh vel my Ayr flaunyssagh er hoiaghey, er ny astyrt ass ny fraueyn.

Noo Mark 4:6

As tra ghow yn ghrian niart ve fiojit, as er‐yn‐oyr nagh row eh er n’ghoaill fraue, ren eh shyrgaghey ersooyl.

Noo Luke 12:45

Agh my jir y charvaant shen ayns e chree, Ta my hiarn lhiggey shaghey dy heet; as goaill er dy woalley ny fir‐vooinjerey, as ny inneenyn, as dy ee, as dy iu, as dy ve er‐meshtey.

Noo Luke 16:19

Va dooinney berchagh dy row va coamrit ayns gorrym‐jiarg, as sheeidey, as farraill dy soaillagh dy chooilley laa.

Noo Luke 21:34

As cur‐jee twoaie diu hene, er‐aggle ec traa erbee dy bee ny creeaghyn eu rouyr laadit lesh jooid as meshtyrys, as kiarailyn y vea shoh, as myr shoh yn laa shen dy heet erriu doaltattym.

Noo Luke 8:6

As huitt paart er creg, as cha leah as ve er n’aase seose; hie eh naardey, er‐yn‐oyr dy row eh laccal soo.

Ephesianee 4:14

Nagh bee mayd maghey shoh nyn gloan lheaystey noon as noal, as eiyrit mygeayrt lesh dy chooilley gheay dy ynsagh, liorish kialgyn deiney, as ny croutyn cliucagh, lhieu t’ad lhie cooyl‐chlea er‐chee dy volley:

Philippianee 3:19

Ta’n jerrey oc toyrt‐mow, yn Jee oc ta nyn molg, as ta’n gloyr oc ayns nyn nearey, ta nyn aigney er nheeghyn seihltagh.)

1 Timothy 5:6

Agh ish ta beaghey ayns reamys neu‐lowal, t’ee marroo ga dy vel ee bio.

Hebrewnee 13:9

Ny bee‐jee er nyn imman noon as noal lesh ymmodee ynsaghyn joarree: son te red mie dy bee’n cree er ny niartaghey lesh grayse, cha nee ayns y leigh mychione bee, nagh vel er ve vondeishagh dauesyn t’er chur tastey daue.

Jamys 5:5

Ta shiu er veaghey ayns soailid as rouanys er y thalloo; ta shiu er veiygh nyn greeaghyn, myr ayns laa yn vuitchoorys.