Jannoo 9:29 - Yn Conaant Noa 1810

²⁹ As loayr eh lesh dunallys ayns ennym y Chiarn Yeesey, as ren eh pleadeil rish ny Grecianee: agh ghow adsyn ayns laue dy varroo eh.

Yn Vible Casherick 1775 1819

²⁹ As loayr eh lesh dunnallys ayns ennym y Chiarn Yeesey, as ren eh pleadeil rish ny Grecianee: agh ghow adsyn ayns laue dy varroo eh.

Jannoo 9:29 ပူးပေါင်းရင်းမြစ်များ

Jannoo 11:20

As va paart jeu deiney veih Cyprus as Cyrene, as tra va’d er jeet gys Antioch loayr ad rish ny Grecianee, preacheil yn Chiarn Yeesey.

Jannoo 17:17

Shen‐y‐fa ren eh resooney ayns y synagogue rish ny Hewnyn, as rish ny deiney crauee, as ayns thie ny quaallagh gagh laa roosyn va cheet ny raad.

Jannoo 18:19

As haink eh gys Ephesus, as daag eh adsyn ayns shen: agh hie eh hene stiagh ayns y synagogue, as resoon eh rish ny Hewnyn.

Jannoo 19:8

As hie eh stiagh ayns y synagogue, as loayr eh lesh dunnallys choud as three meeaghyn, resooney as coyrlaghey ny reddyn va bentyn rish reeriaght Yee.

Jannoo 22:18

As honnick mee eh, gra rhym, Jean siyr, as cosne royd er‐y‐chooyl ass Jerusalem: son cha jean ad soiaghey jeh’n eanish ayd’s my‐mychione’s.

Jannoo 6:1

As ayns ny laghyn shen tra va earroo ny credjuee er nyn mishaghey, hug ny Grecianee stiagh plaiynt noi ny Hebrewnyn, son dy row ny mraane‐treoghe oc faagit magh gyn ayrn jeh’n ghiastyllys gagh‐laa.

Jannoo 9:27

Agh ghow Barnabas eh, as hug eh lesh eh gys ny ostyllyn, as hoilshee eh daue, kys v’eh er vakin y Chiarn er y raad, as dy row eh er loayrt rish, as kys v’eh er phreacheil dy dunnal as dy foshlit ec Damascus ayns ennym Yeesey.

Jannoo 9:28

As v’eh mâroo kinjagh cheet stiagh as goll magh ec Jerusalem.

2 Corinthianee 11:26

Ayns jurnaaghyn dy mennick, ayns gaue ushtaghyn, ayns gaue roosteyryn, ayns gaue veih my gheiney‐cheerey hene, ayns gaue veih ny Ashoonyn‐quaagh, ayns gaue ’syn ard‐valley, ayns gaue ’syn aasagh, ayns gaue er yn aarkey, ayns gaueghyn mastey braaraghyn foalsey;

Jude 1:3

Chaarjyn, tra va mish ayns lane imnea dy scrieu hiuish mychione y taualtys cadjin, ve ymmyrchagh dooys dy scrieu hiu, as dy choyrlaghey shiu dy jeean dy hassoo seose son y chredjue va un cheayrt er ny livrey da ny nooghyn.

Jude 1:9

Agh Michael yn ard‐ainle, tra ayns streeu rish y drogh spyrryd, v’eh pleadeil mychione corp Voses, cha ghow eh er dy choyrt stiagh plaiynt oltooanagh n’oï, agh dooyrt eh, Dy der y Chiarn oo dty host.