Jannoo 9:20 - Yn Conaant Noa 1810

²⁰ As chelleeragh ren eh Creest y phreacheil ayns ny kialteenyn, dy nee Mac Yee eh.

Yn Vible Casherick 1775 1819

²⁰ As chelleeragh ren eh Creest y phreacheil ayns ny kialteenyn, dy nee Mac Yee eh.

Jannoo 9:20 ပူးပေါင်းရင်းမြစ်များ

Noo Mian 27:43

Hreisht eh ayns Jee; lhig da eh y livrey nish my saillish eh: son dooyrt eh, She mac Yee mee.

Noo Mian 27:54

Nish tra honnick yn captan, as adsyn va mârish freayll arrey er Yeesey, yn craa‐thallooin, as ny reddyn v’er jeet gy‐kione, ghow ad aggle mooar, gra, Dy firrinagh shoh va Mac Yee.

Noo Mian 4:3

As haink y mioleyder huggey, gra, My she mac Yee oo, cur sarey da ny claghyn shoh dy ve jeant nyn arran.

Noo Ean 1:49

Dreggyr Nathanael as dooyrt eh rish, Rabbi, oo mac Yee, oo ree Israel.

Noo Ean 19:7

Dreggyr ny Hewnyn eh, Ta leigh ainyn, as liorish y leigh ain lhisagh eh v’er ny choyrt gy‐baase, er‐y‐fa dy ghow eh er dy nee Mac Yee v’eh.

Noo Ean 20:28

As dreggyr Thomase as dooyrt eh rish, My Hiarn, as my Yee.

Noo Ean 20:31

Agh t’ad shoh scruit, dy voddagh shiuish credjal dy nee Yeesey yn Creest Mac Yee, as liorish credjal shiu dy chosney bea trooid yn ennym echeysyn.

Jannoo 13:14

Agh tra v’ad er gholl veih Perga, haink ad gys Antioch ayns Pisidia, as hie ad stiagh ayns y synagogue er laa yn doonaght, as hoie ad sheese.

Jannoo 13:33

Kys dy vel Jee er n’yannoo shen mie dooinyn yn chloan oc, ayns dy vel eh er hroggal seose Yeesey reesht; myr te myrgeddin scruit ayns yn nah psalm, Oo my vac, jiu ta mee er dty gheddyn.

Jannoo 13:46

Eisht daase Paul as Barnabas dunnal, as dooyrt ad, Ve ymmyrchagh goo Yee dy ve hoshiaght er ny phreacheil diuish: agh fakin dy vel shiu cur cooyl rish, as briwnys shiu hene neu‐feeu jeh’n vea veayn, cur‐my‐ner ta shinyn chyndaa gys ny Ashoonee.

Jannoo 13:5

As tra haink ad gys Salamis ren ad goo Yee y phreacheil ayns kialteenyn ny Hewnyn: as va Ean oc mâroo son shirveishagh.

Jannoo 14:1

As haink eh gy‐kione ayns Iconium, dy jagh ad ny neesht cooidjagh stiagh ayns synagogue ny Hewnyn, as dy loayr ad myr shen dy ren earroo mooar chammah jeh ny Hewnyn as ny Ashoonee credjal.

Jannoo 16:13

As er laa yn doonaght hie shin magh ass y valley, gys boayl va lowit son padjer, rish oirr ny hawin; as hoie shin sheese, as loayr shin rish ny mraane v’er nyn jaglym cooidjagh.

Jannoo 17:10

As hug ny braaraghyn ersooyl chelleeragh Paul as Silas ayns yn oie gys Berea: as tra v’ad er jeet gys shen, hie ad stiagh ayns synagogue ny Hewnyn.

Jannoo 17:17

Shen‐y‐fa ren eh resooney ayns y synagogue rish ny Hewnyn, as rish ny deiney crauee, as ayns thie ny quaallagh gagh laa roosyn va cheet ny raad.

Jannoo 17:2

As hie Paul, myr va’n cliaghtey echey stiagh mâroo, as son three laghyn doonee ren eh resooney roo ass ny scriptyryn,

Jannoo 18:19

As haink eh gys Ephesus, as daag eh adsyn ayns shen: agh hie eh hene stiagh ayns y synagogue, as resoon eh rish ny Hewnyn.

Jannoo 18:4

As v’eh resooney ayns y synagogue dy chooilley ghoonaght, as coyrlaghey ny Hewnyn as ny Greekyn.

Jannoo 19:8

As hie eh stiagh ayns y synagogue, as loayr eh lesh dunnallys choud as three meeaghyn, resooney as coyrlaghey ny reddyn va bentyn rish reeriaght Yee.

Jannoo 8:36

As myr v’ad goll er y raad, haink ad gys ushtey dy row: as dooyrt yn eunuch, Jeeagh, shoh ushtey; cre ta dy my lhiettal’s dy ve bashtit?

Jannoo 8:37

As dooyrt Philip, My t’ou credjal lesh ooilley dty chree, foddee oo. As dreggyr eshyn as dooyrt eh, Ta mee credjal dy nee Yeesey Creest mac Yee.

Jannoo 9:22

Agh daase Saul ny s’dunnal‐lee dy chooilley laa, as hug eh nyn dhost ny Hewnyn va cummal ec Damascus, prowal dy nee shoh yn eer Creest firrinagh.

Romanee 1:4

As soilshit dy ve Mac Yee lesh pooar, cordail rish y spyrryd dy chasherickys, liorish yn irree‐seose‐reesht veih ny merriu;

Galatianee 1:16

Dy hoilshaghey e Vac aynym’s, dy voddin eshyn y phreacheil mastey ny Ashoonyn; chelleeragh cha ghow mee coyrle jeh feill ny fuill:

Galatianee 2:20

Ta mee er my chrossey marish Creest: Ny‐yeih ta mee bio; foast cha nee mish, agh Creest ta bio aynym: as y vea ta mee nish dy veaghey ’syn eill, ta mee beaghey liorish credjue Mac Yee, va graih echey orrym, as ren eh‐hene y choyrt er my hon.

Ashlish 2:18

As gys ainle agglish Thyatira, scrieu, Ny reddyn shoh ta Mac Yee dy ghra, ny sooillyn echey ta myr lossey dy aile, as e chassyn goll rish prash sollys;