Jannoo 8:40 - Yn Conaant Noa 1810

⁴⁰ Agh va Philip er ny gheddyn ec Azotus, as goll er e hoshiaght ren eh yn sushtal y phreacheil ayns ooilley ny ard‐valjyn, derrey haink eh gys Cesarea.

Yn Vible Casherick 1775 1819

⁴⁰ Agh va Philip er ny gheddyn ec Azotus, as goll er e hoshiaght ren eh yn sushtal y phreacheil ayns ooilley ny ard-valjyn, derrey haink eh gys Cesarea.

Jannoo 8:40 ပူးပေါင်းရင်းမြစ်များ

Jannoo 10:1

Va dooinney dy row ayns Cesarea, enmyssit Cornelius, va ny centurion er y cheshaght va enmyssit yn cheshaght Italian;

Jannoo 10:24

As yn laa er‐giyn haink ad gys Cesarea: as va Cornelius fieau orroo, as v’eh er n’eamagh er e gheiney‐mooinjerey cooidjagh, as e reih caarjyn.

Jannoo 11:11

As cur‐my‐ner, er‐y‐chooyl, va three deiney hannah er jeet gys y thie raad va mee, er chaghteraght veih Cesarea hym’s.

Jannoo 12:19

As tra va Herod er n’yannoo briaght er, as nagh dooar eh skeeal jeh, deysht eh ny sidooryn, as doardee eh ad dy v’er ny choyrt gy‐baase. As hie eh sheese veih Judea gys Cesarea, as duirree eh ayns shen.

Jannoo 18:22

As tra v’eh er jeet er thalloo ec Cesarea, as er gholl seose, as er vannaghey da’n agglish, hie eh sheese gys Antioch.

Jannoo 21:16

Hie mârin myrgeddin paart jeh Creesteenyn Cesarea, as hug ad lhieu shin gys dooinney enmyssit Mnason, veih Cyprus, shenn Chreestee, mârishyn va shin dy ghoaill aaght.

Jannoo 21:8

As yn nah laa, jimmee shinyn va jeh sheshaght Phaul roïn, as haink shin gys Cesarea; as hie shin stiagh ayns thie Philip yn sushtallagh (va fer jeh’n chiaght) as duirree shin mârish.

Jannoo 23:23

As deïe eh er daa centurion huggey, gra, Fow‐jee aarloo daa cheead sidoor dy gholl gys Cesarea, as markee three‐feed as jeih, as deiney‐shleiy daa cheead, ec y trass oor jeh’n oie.

Jannoo 23:33

As tra haink ny markee gys Cesarea, livrey ad ny screeuyn gys y chiannoort, as hoie ad Paul myrgeddin kiongoyrt rish.

Jannoo 25:1

Nish tra va Festus er jeet gys y ream, ec kione three laa hie eh seose veih Cesarea gys Jerusalem.

Jannoo 25:13

As ec kione laghyn dy row, haink ree Agrippa as Bernice gys Cesarea dy yeeaghyn Festus.

Jannoo 25:4

Agh dreggyr Festus, dy beagh Paul freilt ec Cesarea, as dy ragh eh hene gys shen dy gerrit.

Jannoo 25:6

As tra v’eh er vuirriaght ny mast’ oc mysh jeih laa, hie eh sheese gys Cesarea; as laa ny vairagh hoie eh er stoyl y vriwnys, as doardee eh Paul dy heet kionfenish.

Jannoo 8:25

As tra v’ad er n’ymmyrkey feanish as er phreacheil goo yn Chiarn, hie ad reesht gys Jerusalem, as ren ad y sushtal y phreacheil ayns ymmodee jeh baljyn ny Samaritanee.

Jannoo 9:30

Agh tra hoig ny braaraghyn shoh, hug ad lhieu eh sheese gys Cesarea, as hug ad eh er e hoshiaght gys Tarsus.

Romanee 15:19

Trooid cowraghyn niartal as yindyssyn, liorish pooar Spyrryd Yee; myr shen voish Jerusalem, as ooilley mygeayrt Illyricum, ta mee dy slane er phreacheil sushtal Chreest.