Jannoo 8:30 - Yn Conaant Noa 1810

³⁰ As roie Philip huggey, as cheayll eh eh lhaih yn phadeyr Esaias, as dooyrt eh, Vel oo toiggal cre t’ou dy lhaih?

Yn Vible Casherick 1775 1819

³⁰ As roie Philip huggey, as cheayll eh eh lhaih yn phadeyr Esaias, as dooyrt eh, Vel oo toiggal cre t’ou dy lhaih?

Jannoo 8:30 ပူးပေါင်းရင်းမြစ်များ

Noo Mian 13:19

Quoi‐erbee ta clashtyn goo yn reeriaght, as nagh vel dy hoiggal eh, ta’n drogh‐er cheet, as tayrtyn lesh shen ny va cuirt ayns e chree: shoh eh ghow yn rass rish oirr y raad.

Noo Mian 13:23

Agh eshyn ghow yn rass ayns thalloo mie, shen eh ta clashtyn y goo as dy hoiggal eh, as t’eh tilgey mess, as gymmyrkey, paart keead‐filley, paart three‐feed, as paart jeih fillaghyn as feed.

Noo Mian 13:51

Dooyrt Yeesey roo, Vel shiu er hoiggal ooilley ny reddyn shoh? Dooyrt adsyn rish, Ta shin, Hiarn.

Noo Mian 15:10

As deïe eh er y pobble, as dooyrt eh roo, Eaisht‐jee as toig‐jee.

Noo Mian 24:15

Tra hee shiu er‐y‐fa shen eajeeys yn traartys, ta loayrit jeh liorish Daniel y phadeyr, ny hassoo ayns yn ynnyd casherick, (eshyn ta lhaih, lhig da tastey ’ghoaill).

Noo Mark 13:14

Agh tra hee shiu eajeeid y traartys, ta loayrit jeh liorish Daniel y phadeyr, ny hassoo raad nagh lhisagh eh, (eshyn ta lhaih, lhig da tastey ’ghoaill) eisht lhig dauesyn t’ayns Judea chea gys ny sleityn.

Noo Ean 4:34

Dooyrt Yeesey roo, Yn beaghey aym’s eh, dy yannoo yn aigney echeysyn t’er my choyrt, as dy chooilleeney yn obbyr echey.

Noo Ean 5:39

Ronsee‐jee ny scriptyryn, son ayndoosyn ta shiu smooinaghtyn dy vel y vea veayn eu, as she ad shen ta gymmyrkey feanish jeem’s.

Jannoo 8:27

As hrog eh er, as jimmee eh: as cur‐my‐ner dooinney jeh Ethiopia, ny eunuch, as ayns ard‐oik fo Candace ben‐reïn ny Ethiopianee, fo’n churrym echey va ooilley ny tashtaghyn eck, va er jeet gys Jerusalem dy ooashlaghey Jee,

Jannoo 8:29

Eisht dooyrt y Spyrryd rish Philip, Immee er‐gerrey as jean sheshaght rish yn ainagh shoh.

Jannoo 8:31

As dooyrt eh, Kys oddym, mannagh bee fer ennagh aym dy chur roym? as ghuee eh er Philip eh dy heet seose, as dy hoie mârish.

Jannoo 8:5

Agh hie Philip sheese gys ard‐valley Samaria, as ren eh Creest y phreacheil daue.

1 Corinthianee 14:19

Ny‐yeih ’sy cheeill baare lhiam queig focklyn y loayrt dy v’er my hoiggal, dy voddin feallagh elley myrgeddin y ynsaghey, na jeih thousaneyn dy ocklyn ayns chengey yoarree.

Ephesianee 5:17

Shen‐y‐fa ny bee‐jee neu‐hastagh, agh toig‐jee cre ta aigney yn Chiarn.

Ashlish 13:18

Ayns shoh ta creenaght. Lhig dasyn ta tushtey echey coontey earroo yn veisht; son earroo dooinney eh; as ta’n earroo echey shey cheead three‐feed as shey.