Jannoo 8:14 - Yn Conaant Noa 1810

¹⁴ Nish tra va ny ostyllyn va ec Jerusalem er chlashtyn dy row Samaria er ghoaill goo Yee, hug ad huc Peddyr as Ean.

Yn Vible Casherick 1775 1819

¹⁴ Nish tra va ny ostyllyn va ec Jerusalem er chlashtyn dy row Samaria er ghoaill goo Yee, hug ad huc Peddyr as Ean.

Jannoo 8:14 ပူးပေါင်းရင်းမြစ်များ

Noo Mian 13:23

Agh eshyn ghow yn rass ayns thalloo mie, shen eh ta clashtyn y goo as dy hoiggal eh, as t’eh tilgey mess, as gymmyrkey, paart keead‐filley, paart three‐feed, as paart jeih fillaghyn as feed.

Noo Luke 22:8

As hug eh magh Peddyr as Ean, gra, Immee‐jee, as aarlee‐jee yn Eayn‐caisht dy vod mayd gee.

Noo Ean 12:48

Eshyn ta soiaghey beg jeem’s as nagh vel goaill rish my ghoan, ta shen echey ta dy vriwnys eh: eer yn goo ta mish er loayrt, nee shen y vriwnys eh ec y laa jerrinagh.

Jannoo 11:1

As cheayll ny ostyllyn as ny braaraghyn va ayns Judea, dy row ny Ashoonee er ghoaill rish goo Yee.

Jannoo 15:4

As tra v’ad er jeet gys Jerusalem, ghow yn agglish dy arryltagh roo, myr ren ny ostyllyn as y chanstyr, as hug ad coontey jeh dy chooilley nhee va Jee er n’yannoo lhieu.

Jannoo 17:11

V’ad shoh jeh cree s’ooasle na ny Thessalonianee, ayns dy deaisht ad rish y goo lesh slane arryltys aigney, ronsaghey ny scriptyryn gagh laa, nee shoh myr va ny reddyn shen.

Jannoo 2:41

Eisht v’adsyn ren dy arryltagh goaill‐rish e ghoo er nyn mashtey: as y laa cheddin haink three thousaneyn dy leih stiagh gys y chredjue Creestee.

Jannoo 8:1

As va aigney Saul lhieu ayns y choyrt eh gy‐baase. As ec y traa shen va tranlaase er ny yannoo er yn agglish va ec Jerusalem; as va’d ooilley er nyn skeayley magh trooid cheeraghyn Yudea as Samaria, cheu‐mooie jeh ny ostyllyn.

Galatianee 2:9

As tra hug Jamys, Cephas, as Ean, va goit son pillaryn, tastey da’n ghrayse v’er ny stowal orrym’s, hug ad dooys as da Barnabas yn laue yesh dy choardail, dy ragh shinyn gys ny Ashoonee, as adsyn gys yn giarey‐chymmylt.

1 Thessalonianee 2:13

Er y choontey shoh myrgeddin, ta shin coyrt booise kinjagh gys Jee, er‐yn‐oyr tra ghow shiu rish goo Yee cheayll shiu voïnyn, ghow shiu eh cha nee myr goo deiney, agh (myr te ayns firrinys) goo Yee, ta dy breeoil gobbraghey ayndiuish ta credjal.

1 Thessalonianee 3:2

As chur shin Timotheus nyn mraar as shirveishagh Yee, as nyn sheshey‐labree ayns sushtal Chreest, dy niartaghey shiu, as dy gherjaghey shiu mychione nyn gredjue:

2 Thessalonianee 2:10

As lesh dy chooilley oalsaght dy neu‐ynrickys, ayndoosyn ta cherraghtyn; er‐yn‐oyr nagh ghow ad rish graih yn ynrickys, dy voddagh ad ve er nyn sauail.