Jannoo 7:56 - Yn Conaant Noa 1810

⁵⁶ As dooyrt eh, Cur‐my‐ner, hee‐ym ny niaughyn foshlit, as Mac y dooinney ny hassoo er laue yesh Yee.

Yn Vible Casherick 1775 1819

⁵⁶ As dooyrt eh, Cur-my-ner, hee-ym ny niaughyn foshlit, as Mac y dooinney ny hassoo er laue yesh Yee.

Jannoo 7:56 ပူးပေါင်းရင်းမြစ်များ

Noo Mian 25:31

Tra hig Mac y dooinney ayns e ghloyr, as ooilley e ainleyn casherick mârish shen y traa hoie‐ys eh er stoyl‐reeoil e ghloyr.

Noo Mian 3:16

As lurg da Yeesey ve bashtit, hie eh seose jeeragh ass yn ushtey: as cur‐my‐ner va ny niaughyn er nyn vosley er‐e‐skyn, as honnick eh Spyrryd Yee cheet neose myr calmane, as soie er.

Noo Mian 8:20

As dooyrt Yeesey rish, Ta tuill ec ny shynnee, as idd ec eeanlee yn aer, agh cha vel ec mac y dooinney wheesh boayl aaght son e chione.

Noo Mark 1:10

As jeeragh myr haink eh seose ass yn ushtey, honnick eh ny niaughyn foshlit, as y Spyrryd myr calmane cheet neose er.

Noo Luke 3:21

Nish tra va ooilley’n pobble er nyn mashtey, haink eh gykione dy row Yeesey myrgeddin er ny vashtey, as ghow eh padjer, as va niau er ny osley;

Noo Ean 1:51

As dooyrt eh rish, Dy firrinagh firrinagh ta mee gra riu, Ny lurg shoh hee shiu niau foshlit, as ainleyn Yee gooll seose as cheet neose er Mac y dooinney.

Jannoo 10:11

As honnick eh niau er ny osley, as saagh dy row cheet neose huggey, myr dy beagh eh brelleein vooar, kianlt ec ny kiare binn, as lhiggit sheese er y thalloo:

Jannoo 10:16

Va shoh jeant three keayrtyn: as va’n saagh goit seose reesht gys niau.

Jannoo 7:57

Eisht dyllee ad lesh ard‐choraa, as stap ad nyn gleayshyn, as roie ad stiagh er lesh un aigney,

Ashlish 11:19

As va chiamble Yee er ny osley ayns niau, as va arg e chonaant er ny akin ayns e hiamble: as va tendreilyn, as coraaghyn, as taarnaghyn, as craa‐hallooin, as claghyn mooarey sniaghtee.

Ashlish 19:11

As honnick mee niau foshlit as cur‐my‐ner, cabbyl bane: as va eshyn va markiaght er enmyssit Firrinagh as Ynrick, as ayns cairys t’eh briwnys as jannoo caggey.

Ashlish 4:1

Lurg shoh yeeagh mee, as cur‐my‐ner, va dorrys er ny osley ayns niau: as va’n chied choraa cheayll mee, myr dy beagh eh cayrn taggloo rhym; dooyrt rhym, Tar seose gys shoh, as jeeagh‐ym dhyt reddyn shegin ve ny lurg shoh.