Jannoo 7:35 - Yn Conaant Noa 1810

³⁵ Yn Moses shoh ren adsyn y obbal, gra, Quoi ren uss dty er‐reill as dty vriw? Eh shoh hug Jee dy ve ny er‐reill as dy choyrt livrey‐ys liorish laueyn yn ainle honnick eh ayns y thammag.

Yn Vible Casherick 1775 1819

³⁵ Yn Moses shoh ren adsyn y obbal, gra, Quoi ren uss dty er-reill as dty vriw? Eh shoh hug Jee dy ve ny er-reill as dy choyrt livrey-ys liorish laueyn yn ainle honnick eh ayns y thammag.

Jannoo 7:35 ပူးပေါင်းရင်းမြစ်များ

Noo Mark 12:26

As mychione ny merriu, dy nirree ad; nagh vel shiu er lhaih ayns lioar Voses, kys loayr Jee rish ass y thammag, gra, Mish Jee Abraham, as Jee Isaac, as Jee Yacob?

Noo Luke 19:14

Agh dirree yn theay shen magh n’oï, as hug ad chaghteraght geiyrt er, gra, Cha naill‐lhien yn dooinney shoh dy reill harrin.

Noo Ean 18:40

Eisht deïe ad ooilley reesht, gra, Cha nee eh shoh, agh Barabbas. Nish va Barabbas ny roosteyr.

Noo Ean 19:15

Agh dyllee ad, Ersooyl lesh, ersooyl lesh, jean y chrossey eh. Dooyrt Pilate roo, Jean‐ym yn ree euish y chrossey? Dreggyr ny ard‐saggyrtyn, Cha vel ree ainyn agh Cesar.

Jannoo 2:36

Shen‐y‐fa lhig da ooilley lught‐thie Israel as fys y ve oc ayns shickyrys, dy vel Jee er n’yannoo Yeesey shen ta shiuish er chrossey, chammah Chiarn as Creest.

Jannoo 3:22

Son dooyrt Moses dy firrinagh rish ny ayraghyn, Phadeyr, myr ta mish, nee yn Chiarn y Jee eu y hroggal seose diu, jeh nyn mraaraghyn; rishyn nee shiu geaishtagh ayns dy chooilley nhee cre‐erbee nee eh y ghra riu.

Jannoo 5:31

Eshyn ta Jee er droggal seose gys e laue yesh hene, dy ve ny Phrince as ny Haualtagh, dy chur arrys da Israel as leih peccaghyn.

Jannoo 7:30

As kione da‐eed bleïn, haink huggey ayns faasagh cronk Sina, ainle y Chiarn ayns lossey dy aile ayns thammag.

Jannoo 7:51

Shiuish chreoi‐wannallee, as an‐ghiarey‐chymmyltee ayns cree as cleayshyn, ta shiu kinjagh shassoo magh noi yn Spyrryd Noo: myr va ny ayraghyn eu, myr shen ta shiuish.

Colossianee 1:15

Eshyn ta co‐chaslys yn Jee nagh vod ve er ny akin, yn chied‐er‐ny‐gheddyn jeh dy chooilley chretoor:

Hebrewnee 2:2

Son my va’n goo loayrit liorish ainleyn jeant shickyr, as my hooar dy chooilley pheccah as mee‐viallys yn leagh cooie dy cherraghey;

Ashlish 15:3

As ghow ad arrane Voses sharvaant Yee, as arrane yn Eayn, gra, Mooar as mirrillagh ta dty obbraghyn, Hiarn Yee Ooilley‐niartal; cairagh as firrinagh ta dty raaidyn, uss Ree nooghyn.